مسلم لیگ ن کی نائب صدر مریم نواز شریف نے وزیراعلی پنجاب کے انتخاب کے خلاف سپریم کورٹ میں کی سماعت پر ردعمل دیتے ہوئے کہا ہے کہ ہم سے یکطرفہ فیصلوں پر سرجھکانے کی توقع نہ رکھی جائے۔
مائیکروبلاگنگ ویب سائٹ ٹویٹر پر اپنے بیان میں مریم نواز شریف نےکہا کہ اگر انصاف کے ایوان بھی دھونس، دھمکی،بدتمیزی اور گالیوں کےدباؤ میں آ کر بار بار ایک ہی بنچ کے ذریعے مخصوص فیصلے کرتےہیں، اپنے ہی دیے فیصلوں کی نفی کرتے ہیں۔
مریم نواز نے کہا کہ سارا وزن ترازو کے ایک ہی پلڑے میں ڈال دیتے ہیں تو ایسے یکطرفہ فیصلوں کے سامنے سر جھکانے کی توقع ہم سے نا رکھی جائے۔بہت ہو گیا۔
اپنی دوسری ٹویٹ میں مریم نواز شریف نے کہا کہ موجودہ سیاسی انتشار اور عدم استحکام کا سلسلہ اس عدالتی فیصلے سے شروع ہوتا ہے جس کے ذریعے آئین کی من مانی تشریح کرتے ہوئے اپنی مرضی سے ووٹ دینے والوں کے ووٹ نہ گننے کا حکم جاری ہوا
رہنما ن لیگ نے کہا کہ آج اس کی ایک نئی تشریح کی جا رہی ہے تاکہ اب بھی اسی لاڈلے کو فائدہ پہچنے جسے کل پہنچا تھا!نا منظور۔
