وزیراعظم نے گزشتہ روز چینی ساختہ جنگی طیارے جے 10 سی کی سواری کی،دیگر وزرا نے بھی طیارے کا معائنہ کیا اور تصاویر بھی بنوائیں، ان لمحات کو قید کرکے سوشل میڈیا صارفین خوب محظوظ ہوئے، میمز بھی بھرپور بنائی جارہی ہیں۔
پی ٹی آئی کے آفیشل اکاؤنٹ پر وزیر اعظم کی معمول کی سرگرمیوں کی طرح طیارے پر سوار ہونے کی تصاویر جیسے ہی سوشل میڈیا پر اپ لوڈ کی گئیں، عوام نے تو لگے ہاتھوں میمز بنا ڈالیں، مزے مزے کئے تبصرے بھی کئے۔
مطاہر علی نے تصویر شیئر کرتے ہوئے لکھا یار میں کہہ رہا ہوں مجھے چلانا آتا ہے پیچھے ہٹو سارے
صارفین نے یہ بھی کہا کہ ایسا ظاہر ہورہا ہے کہ خان صاحب فرما رہے ہوں، جیٹ تو اچھا ہے لیکن اس میں سوک والا مزا نہیں ہے۔
ایک صارف نے فواد چوہدری کی تصویر شیئر کرتے ہوئے مزاحیہ انداز میں لکھا کہ ’گول گپے انجوائے کرنے کے بعد دیسی انکل چائنا چوک لاہور پر تصویر بنوا رہے ہیں،کچھ صارفین نے انہیں خیال رکھنے کی ہدایت کرتے ہوئے کہا کہ ’خان صاحب کہیں لال بٹن نہ دبا دینا‘۔
سوشل میڈیا صارفین نے میمز میں وزیر دفاع پرویز خٹک کو بھی یاد رکھا۔
ام عبدالرحمان نے لکھا کہ اللہ خیر کرے ۔ اب اس جہاز کی پرفارمینس مشکوک ہی لگ رہی ۔ نجانے دشمن کو تباہ کرےگا یا اپنی ہی عوام کو
تنزیل الرحمان نے لکھاوزیراعظم عمران خان J10-C میں بیٹھ کر اپوزیشن کے مورچوں پر بمباری کے لئے تیار ہیں۔
ماہر ہاشمی نے لکھا دنیا کی تاریخ میں پہلی بار ایک جہاز دوسرے جہاز کا معائنہ کر رہا ہے۔
جے ٹین سی کی پاکستان ائیر فورس میں شمولیت کی تقریب منہاس ائیر بیس کامرہ میں منعقد ہوئی تھی جس میں تینوں مسلح افواج کے سربراہوں کے ہمراہ وزیر اعظم عمران خان نے بھی شرکت کی تھی۔