میجر (ر) عادل راجہ کو ریاستی اداروں پر تنقید کرنا مہنگا پڑ گیا۔ جی ایچ کیو اے جی برانچ نے ان کی پنشن کا 50 فیصد حصہ فوری طور پر روک دیا۔ اس حوالے سے باقاعدہ نوٹیفکیشن جاری کر دیا ہے۔
اس حوالے سے صحافی اسد علی طور نے نوٹیفکیشن بھی شیئر کیا جس میں بتایا گیا ہے کہ عادل راجہ کی 50 فیصد پنشن کو فوری طورپر روک دیا گیا ہے۔
اس حوالے سے خود عادل راجہ نے ٹوئٹ کیا جس میں کہا کہ سچ بولنے کی قیمت دینا پڑتی ہے جو میں دے رہا ہوں۔ مگر گواہ رہنا اے لوگوں کہ میں بکا نہیں، جھکا نہیں اور ڈرا نہیں۔ اللہ مالک ہے۔
انہوں نے مزید کہا کہ میں سچ بولنے کی قیمت ادا کر رہا ہوں، مگر کوئی پریشانی نہیں اللہ اکبر
میجر ریٹائرڈ عادل راجہ نے یہ بھی کہا کہ پاک سرزمین کی سالمیت کی خاطر ایسی ایک تو کیا ہزاروں پنشنز قربان۔