اگر یہ مردود تھوڑی معلومات کر لیتا تو پتہ چل جاتا کہ ارشد شریف لیپ ٹاپ استعمال ہی نہیں کرتا تھا: عدیل راجہ کا شدید ردعمل
سینئر صحافی وتجزیہ نگار سلیم بخاری نے نجی ٹی وی چینل سٹی 42 کے پروگرام میں گفتگو کرتے ہوئے رہنما تحریک انصاف مراد سعید کےاپنی ہی پارٹی کے ہاتھوں قتل کے خدشات کا اظہار کر دیا جس پر معروف یوٹیوبر عدیل راجہ نے شدید تنقید کا نشانہ بنایا۔
سلیم بخاری نے کہا کہ مراد سعید کا معاملہ انتہائی خوفناک ہے، ان کے پاس شہید صحافی ارشد شریف کا لیپ ٹاپ اور سیل فون بھی موجود ہے۔ ہمارے سامنے ارشد شریف کے مرڈر کا اتنا بڑا سکینڈل یا عقدہ ہے جو کھلنے میں نہیں آ رہا۔
انہوں نے کہا کہ جو شخص شہید ارشد شریف کے آخری دنوں تک ان سے رابطے میں تھا اس کا نام مراد سعید ہے جو اس وقت بھی مفرور ہیں۔
واضح کر دوں کے مراد سعید کو ملک کی کسی لاء اینڈ انفورسمنٹ ایجنسی سے خطرہ نہیں ہے ۔ مراد سعید اس بات سے خوفزدہ ہیں کہ کہیں ان کی اپنی جماعت ہی انہیں قتل نہ کروا دےاس لیے وہ اب تک چھپتے پھر رہے ہیں۔
انہوں نے کہا کہ وہ اس لیے ڈر رہے ہیں کہ اگر وہ پکڑے گئے اور ارشد شریف کا سیل فون اور لیپ ٹاپ برآمد ہو جاتا ہے تو پتہ لگ جائے گا کہ ارشد شریف کو قتل کرنے کا منصوبہ کس کس نے بنایا تھا؟ اور کون کون اس میں ملوث تھا؟ کسے کسے علم تھا؟ اور کسی نے انہیں زبردستی ملک سے باہر بھجوایا۔
انہوں نے کہا کہ انہیں ملک سے باہر بھجوانے والوں میں سے ایک تو سابق وزیراعظم ہیں جو آج کل جیل میں ہیں جنہوں نے جلسہ عام میں کہا تھا کہ میں نے ارشد شریف کو ملک چھوڑنے پر مجبور کیا تھا۔ اب وہ خود ہی پوچھتے پھر رہے ہیں کہ اس کو پتا نہیں کس نے مجبور کر کے ملک سے باہر بھیجا جو بہت بڑا تضاد ہے۔
مراد سعید اس لیے خوفزدہ ہیں کہ میں پکڑا گیا اور توسارے راز کھل جائیں گے اور کہیں ان کا قتل نہ کر دیا جائے۔
معروف یوٹیوبر عدیل راجہ نے سلیم بخاری پر شدید تنقید کرتے ہوئے لکھا کہ: یہ اک بے غیرت شخص ہے اور اس کی صحافت بھی اس کی شکل جیسی ہی ہے۔
ارشد شریف شہید کا موبائل ایف آئی اے کے پاس ہے اور اس کا لیپ ٹاپ بھی گھر موجود ہے، اگر یہ مردود تھوڑی معلومات کر لیتا تو پتہ چل جاتا کہ ارشد شریف لیپ ٹاپ استعمال ہی نہیں کرتا تھا! یہ ٹائوٹ اس عمر میں منہ مزید کالا کر رہاہے!
- Featured Thumbs
- https://www.siasat.pk/data/files/s3/8sallembukahassjlhs.png
