چیئرمین پاکستان پیپلزپارٹی بلاول بھٹو زرداری نے کہاہے کہ وزیراعظم عمران خان نے میری تحقیقات کیلئے آئی ایس آئی کو استعمال کیا۔
تفصیلات کے مطابق انہوں نےیہ گفتگو پاراچنار میں جلسہ عام سے خطاب کرتے ہوئے کی اور کہا کہ عمران خان نے آئی ایس آئی کو میرے خلاف تحقیقات کیلئے استعمال کیا اور ہدایات دیں کہ بلاول کے دھوبی اور ناشتے کے بلوں کی تحقیقات کی جائیں۔
انہوں نے مزید کہا کہ عمران خان ریاستی اداروں کو اپنی ٹائیگر فورس کی طرح چلانا چاہتے ہیں، دوسروں کو جانور کہنے والے عمران خان خود ایک جانور ہیں جو ملک میں جنگل کا قانون چاہتے ہیں،مگر ہم آپ کو ملک میں جنگل کاقانون لانے نہیں دیں گے۔
چیئرمین پیپلزپارٹی بلاول بھٹو نے کہا کہ عمران خان نیوٹرل کو جانور کہنےپر اب نیوٹرل سے ہی معافی مانگ رہاہے اور درخواست بھی کررہا ہےکہ 27 مارچ کے جلسے تک اتحادیوں کو روک کررکھیں، عمران خان صاحب نے بوٹ پالش ختم کرکے اب بوٹ چاٹنا شروع کردیئے ہیں، جیسے عمران خان نے بوٹ پکڑ رکھے ہیں ایسے تو تاریخ میں کسی نے نئی پکڑے۔
انہوں نے مزید کہا کہ آپ کو سیلکٹ کرنے والے سیلکٹرز کو بھی اب احساس ہورہا ہے کہ ان کا کام ایسے عہدوں کی سیلکشن کرنا نہیں ہے، عمران خان ہمیں کہتے ہیں ہماری اردو کمزور ہیں انہیں چاہیے کہ پہلے اپنے تین بچوں کو اردو سکھائیں۔
بلاول بھٹو نے کہا کہ ہمیں علم ہےعثمان بزدار نے وزارت اعلی کیلئے کہاں اور کیسے پیسے کروائے، عمران خان جھوٹ بولنا بند کریں ورنہ ہم خاتون اول کی کرپشن بھی سامنے لے آئیں گے۔