چیئرمین تحریک انصاف عمران خان نے مریم نواز سمیت دیگر حکمراں پر کڑی تنقید کردی، عمران خان نے ٹویٹ پر لکھا کہ یہ لوگ این آر او ٹو کے ذریعے اپنی لوٹی ہوئی دولت کو بچانے کی کوششوں میں ہیں۔
عمران خان نے لکھا کہ یہ فاشسٹ حکومت اور ان کے حمایتی پی ٹی آئی کی بڑھتی ہوئی مقبولیت کے خوف سے پاکستان کے مفادات کو نقصان پہنچا رہے ہیں، یہ ناقابل قبول ہے۔
عمران خان نے ایک اور ٹویٹ میں لکھا کہ امپورٹڈ حکومت میرے حق آزادی کے پیغام کی حمایت میں اٹھنے والی قوم سے اس قدر خوفزدہ ہے کہ وہ نہ صرف میڈیا بلکہ یوٹیوب کو بھی بلاک کر کے میری تقریروں کا مکمل بلیک آؤٹ کر رہی ہے۔
انہوں نے کہا کہ ڈیجیٹل سنسر شپ پورے آئی ٹی سیکٹر کو نقصان پہنچاتی ہے اور عالمی سطح پر پاکستان کی امیج کو نقصان پہنچاتی ہے۔
مریم نواز نے ایک ٹویٹ میں کہا تھا کہ عمران خان کا پاکستان کے بارے میں مؤقف مشروط ہے،عمران خان کا مؤقف ہے کہ فوج غیر جانبدار رہی تو وہ اسے کیچڑ میں گھسیٹیں گے۔
انہوں نے مزید کہا کہ عمران خان کا مؤقف ہے کہ الیکشن کمیشن نے غیر ملکی فنڈنگ چوری بے نقاب کی تو اس کی دیانت داری پر حملہ کر دیں گے،مسلم لیگ ن کی رہنما و سابق وزیرِ اعظم میاں نواز شریف کی صاحبزادی مریم نواز کا سوشل میڈیا پر بیان میں یہ بھی کہنا ہے کہ اس لعنت سے ہمیں نمٹنا ہے۔
