Ab kal Friday ko Long March ho raha hay, ab har kisi ko aag lagi hui hay, pahley Faisal Wadka launch kia, jo juld hi thuss kar gia. aaj DGISPR & DG ISI(jis ko media pe aaney or photo banwaney ka bilkul shouq nahi hay) ne entry di, us kay Rana Sanaullah ne aa kar chawalein marein, matlab shadeed ghabrahat hay har taraf. DGISPR ne cypher ko kaghiz ka tukra kaha or kaha keh ye kuch bhi nahi hay, bilkul yehi alfaaz kuch month pahley Rana sanaullah ne bhi cypher barey kahey thay, lakin koi bhi is ki tehqeeqaat karney karwaney ko tiyaar nahi hay kionkeh sub jhootey sabit hongey.
Rana Sanaullah ne aaj PTI pe tanqeed kartey huey kaha keh jub idarey Imran khan kay senate waghera ko manage kar rahey thay tub achey thay, matlab Rana sanaullah ne ye inkishaaf kia hay ya shaid ilzaam lagaya hay keh idarey senate election or senate ko manage kartey rahey hain, is ki tehqeeq honi chahiey keh sach mein idarey senate election manage kartey rahey hain???