ایشیئن کرکٹ کونسل کے بیان کے بعد سابق بھارتی کرکٹر آکاش چوپڑا نے بڑا دعویٰ کردیا، انہوں نے کہاکہ اگر ایشین کرکٹ کونسل کے سربراہ نے کہہ دیا کہ بھارت ایشیا کپ کے لیے پاکستان کا دورہ نہیں کرے گا تو یہ ایک حقیقت ہے۔
آکاش چوپڑہ نے کہا ایشیا کپ میگا ایونٹ کے مقابلے بہت چھوٹا ایونٹ ہے اور ورلڈ کپ چھوڑنے کا مطلب آئی سی سی سے حاصل ہونے والی بڑی رقم کو چھوڑ دینا ہے،میں لکھ کر دے سکتا ہوں کہ پاکستان ورلڈ کپ کھیلنے ضرور آئے گا اور بھارت پاکستان نہیں جائے گا۔
انہوں نے کہا پاکستان کے ردعمل کو سنجیدگی سے نہیں لے رہا ہوں اور مجھے لگتا ہے کہ ایشیا کپ 2023 کا انعقاد ایک نیوٹرل مقام پر ہوگا، بی سی سی آئی واحد بورڈ ہے جو ایشیا کپ کی حاصل ہونے والی رقم نہیں لیتا، بلکہ دیگر ممالک میں تقسیم کردیتا ہے۔
دوسری جانب پاکستان کرکٹ جے شاہ کے بیان پر کہا کہ اس طرح 2023 میں انڈیا میں شیڈول ورلڈکپ اور 2024 سے 2031 کے دوران انڈیا میں شیڈول متعدد کرکٹ ایونٹس میں پاکستان کی شرکت پر اثرات مرتب ہو سکتے ہیں۔
ترجمان پی سی بی نے کہا کہ صدر اے سی سی جے شاہ کے بیان پر حیرت اور مایوسی ہوئی ہے، یہ بیان اے سی سی بورڈ یا پی سی بی سے مشاورت کے بغیر دیا گیا، جے شاہ کا پاکستان سے ایونٹ منتقلی کا بیان یک طرفہ ہے، سوچے سمجھے بغیر اس طرح بیان کے منفی اثرات مرتب ہوں گے، ایونٹ منتقلی کا بیان آئی سی سی، اے سی سی کو تقسیم کرنےکے مترادف ہے۔
