پاکستان تحریک انصاف (پی ٹی آئی) کے منحرف رہنما اور رکن قومی اسمبلی نور عالم خان کو جان سے مارنے کی دھمکیاں ملنے لگیں، جو بینظیر اور بشیربلور کیساتھ ہوا وہی تمہارے ساتھ ہوگا۔
تفصیلات کے مطابق نور عالم خان کو دھمکی بھرے میسجز موصول ہونے لگے، انہوں نے دھمکیوں والے میسجز کے اسکرین شارٹ ٹوئٹر پر شیئر کردیئے، انہوں نے اپنے ٹوئٹر پیغام میں کہا کہ دھمکیاں دی جارہی ہیں کہ جو بینظیربھٹواوربشیربلور کے ساتھ ہوا، وہی تمھارے ساتھ ہوگا۔
انہوں نے مزید کہا کہ مجھے دھمکی ملی ہےکہ تمہارے اور تمہارے 3 بیٹوں کےساتھ یہی کیا جائے گا۔ مجھےکچھ ہوا تو موجودہ قیادت ذمہ دارہوگی۔
اس سے قبل نور عالم خان نے عدالت سے ایم این ایز کو تحفظ دینے کی درخواست بھی کی تھی۔ واضح رہے کہ نور عالم نے دھمکی آمیز پیغام کا جو سکرین شاٹ شیئر کیا ہے وہ فون نمبر انڈیا کا ہے۔
واضح رہے کہ وزیرِ اعظم کے خلاف تحریکِ عدم اعتماد کے معاملے نے ایک نیا رُخ اختیار کر لیا۔ حکمران پارٹی میں سے ہی ناراض اراکین کے سامنے آنے کا سلسلہ جاری ہے، اب تک احمد حسن ڈیہڑ، سید باسط سلطان بخاری، رانا قاسم نون، نواب شیر وسیر، راجہ ریاض، نور عالم خان، ریاض مزاری، محمد عبدالغفار وٹو، نزہت پٹھان اور وجیہہ اکرم شامل ہیں۔