پاناما لیکس کے بعد جب شریف خاندان کی جائیدادوں سے متعلق سوالات اٹھے اور لوگ یہ کہنے پر مجبور ہوئے کہ اب تو عدالتیں لازمی سزا دیں گی کیونکہ ممکنہ طور پر شریف خاندان کے پاس کوئی ثبوت نہیں تھے۔
پاناما لیکس پر ہونے والی تحقیقات میں بھی یہی ہوا تاہم ایسے وقت میں پاکستان عوام تحریک کے سربراہ ڈاکٹر طاہر القادری نے ایک پیشنگوئی کی تھی جو کہ مریم نواز کی رہائی کے بعد درست ثابت ہوئی ہے۔
13 نومبر 2016 کو نجی ٹی وی چینل 92نیوز پر دیئے گئے انٹرویو میں طاہر القادری نے کہا تھا کہ جتنا مرضی شور ہو جائے جتنی بھی تحقیقات ہوں یہ عدالتیں نوازشریف اور شریف خاندان کے لوگوں کو کلین چٹ دیں گی۔
سربراہ پی اے ٹی نے دعویٰ کیا تھا کہ ان لوگوں نے سرکاری محکموں میں اپنے لوگ بٹھا رکھے گہیں انہوں نے ان سب کو بھرتی کیا اور پھر تعیناتیاں کی ہیں یہ بالکل پاک صاف ہو جائیں گے۔
ڈاکٹر طاہرالقادری کے بیان پر اینکر چونک کر پوچھتا ہے کہ کیا واقعی انہیں کلن چٹ ملے گی جس پر طاہرالقادری کہتے ہیں اس ملک میں کوئی پوچھنے والا نہیں ہے یہ سارے ادارے نوازشریف کو صفائی دے دیں گے۔ اداروں میں ان کے ملازم بیٹھے وہ تقرریاں بھی انہوں نے کی ہیں۔ کسی کو کچھ نہیں ملے گا یہ میں ایڈوانس بتا رہا ہوں۔
یاد رہے کہ پاناما پیپرز میں ایون فیلڈ اپارٹمنٹس کا کیس سامنے آیا تھا جس میں گزشتہ روز اسلام آباد ہائیکورٹ نے مریم نواز اور ان کے شوہر کیپٹن ریٹائرڈ صفدر کو باعزت بری کر دیا ہے۔
اسلام آباد ہائی کورٹ میں ایون فیلڈریفرنس میں مریم نواز اور کیپٹن صفدر کی اپیلوں پر سماعت ہوئی، جسٹس عامرفاروق اور جسٹس محسن اخترکیانی پر مشتمل ڈویژن بینچ نے سماعت کی۔
جسٹس عامرفاروق نے ریمارکس دیئے نیب اپنا کیس ثابت کرنے میں ناکام رہا ہے، ہم صرف پبلک نالج یاکسی کی سنی سنائی بات پرفیصلہ نہیں سنا سکتے، سپریم کورٹ کے فیصلے ہیں نیب نے کیس ثابت کرنا ہے، الزام لگا دینا ایک الگ چیز ہوتی ہے لیکن آپ ان پر الزامات ثابت کرنے میں ناکام رہے۔
اسلام آباد ہائی کورٹ نے مریم نواز اور صفدر کی اپیلوں پر فیصلہ سناتے ہوئے ایون فیلڈریفرنس میں سزاؤں کا فیصلہ کالعدم قرار دے دیا اور دونوں کی بریت کی اپیلیں منظور کرتے ہوئے مریم اور صفدر کو باعزت بری کردیا۔
