ملک ڈوب رہا، راجہ پرویزاشرف کینیڈا کی سیر کو نکلے ہوئے ہیں، سوشل میڈیا پر تنقید
پاکستان کے صوبے سندھ، پنجاب، خیبر پختونخوا، بلوچستان سب دریا بن گئے، ہر طرف تباہی ہی تباہی ہے، سب کچھ سیلاب اور بارش کی نذر ہوگیا، لیکن اقتدار کی جنگ لڑنے والے سیاستدان غیر ملکی دوروں میں مصروف ہیں۔
سوشل میڈیا پر اسپیکر قومی اسمبلی راجہ پرویز اشرف کی ایک ویڈیو وائرل ہورہی ہے، جس میں وہ اپنے ساتھیوں کے ہمراہ کینیڈا کے مشہور سیاحتی مقام نیاگرا فالز میں مزے کرتے نظر آرہےہیں۔
ویڈیو وائرل ہونے پر سوشل میڈیا صارفین نے راجہ پرویز اشرف کو خوب آڑے ہاتھوں لیا، صارفین نے ویڈیو شیئر کی اور لکھا کہ ملک ڈوب رہا ہے اور یہ سیر کو نکلے ہوئے ہیں،
طارق متین نے ویڈیو شیئر کرتے ہوئے لکھا کہ کوئی دوست چشتیاں، پڈعیدن، قمبر یا دیر بالا وغیرہ میں روزنامہ امنگ نو قسم کے اخبار میں " ہم راجہ پرویز اشرف کو مع اہل و عیال نیاگرا فالز وہیں کھڑے ہو کر دیکھنے پر" مبارکباد پیش کرتے ہیں ٹائپ خبر نہیں چھپوا سکتا ؟
ایک صارف نے لکھا کہ سندھ میں سیلاب کے موقع پر راجہ پرویز اشرف 25 قومی اسمبلی کے ممبران کے ہمراہ غیر ملکی دورے پر،
مون سعد نے لکھا کہ پاکستان کےلوگ سیلاب سےمر رہے ہیں،پھر راجہ پرویز اشرف، اسپیکر قومی اسمبلی ان کا غم محسوس کرنےکے لیے کینیڈا،نیاگرا فالز دیکھنے گئے کہ چاروں طرف پانی ہو تو کیسامحسوس ہوتاہے؟
کہاں سے لائیں گے ہم اتنے دردمندحکمران یا اللہ اتنے نیک لوگوں کاکیا کام اس گنہگاردنیا میں انہیں اپنے پاس بلا لے،
ملک ڈوب رہا، راجہ پرویزاشرف کینیڈا کی سیر کو نکلے ہوئے ہیں، سوشل میڈیا پر تنقید
پاکستان کے صوبے سندھ، پنجاب، خیبر پختونخوا، بلوچستان سب دریا بن گئے، ہر طرف تباہی ہی تباہی ہے، سب کچھ سیلاب اور بارش کی نذر ہوگیا، لیکن اقتدار کی جنگ لڑنے والے سیاستدان غیر ملکی دوروں میں مصروف ہیں۔