سینئر صحافی و تجزیہ کار نصرت جاوید نے کہا ہے کہ نیب کا مقصد سیاسی وفاداریاں تبدیل کروانا ہے، نیب جیسے ادارے کو بند کرنا چاہیے۔
تفصیلات کے مطابق پبلک نیوز کے پروگرام خبر نشر میں گفتگو کرتے ہوئے نصرت جاوید کا کہنا تھا کہ نیب میری آنکھوں کے سامنے بنا ہے، جنرل مشرف نے جب جمہوری حکومت کا تختہ الٹا تو انہوں نے پہلے احتساب پھر انتخاب کا نعرہ لگایا۔
نصرت جاوید نے مزید کہا کہ نیب قانون کے تحت شروع میں جب کسی سیاستدان کو 90 روز کیلئے قید رکھا جاتا تھا تو انہیں وہ حقوق بھی میسر نہیں ہوتے تھے جو جنگی قیدیوں کو میسر ہوتے تھے۔
پروگرام میں انتخابات کی تاخیر سے متعلق خبروں سے متعلق بھی گفتگو کی،پروگرام کے میزبان عدنان حیدر نے کہا کہ آج میری مختلف ملکوں کے ڈپلومیٹس سے گفتگو ہوئی، انہوں نے مجھ سے یہ کہا کہ ڈپلومیٹک کمیونٹی میں کسی حد تک یہ بات ہورہی ہے کہ عام انتخابات 8 فروری کو نہیں ہونے ۔
اس معاملے پر نصرت جاوید نے کہا کہ میں اس معاملے میں مرکزی قصور وار نگراں حکومت کو سمجھتا ہوں، ہمیں خلیجی ممالک سے مددآرہی ہے، اور یہ نگراں وزیراعظم کی وجہ سے نہیں آرہی بلکہ یہ سلسلہ سابقہ حکومت کے دور سے شروع ہوچکا تھا اور ہماری ریاست کے ایک طاقتور ترین ادارے کا بھی بہت اہم کردار ہے۔
انہوں نے کہا کہ کچھ لوگ نگراں حکومت کو یہ مشورہ دے رہے ہیں کہ بیرونی امداد کو اپنے کھاتے میں ڈال