فورم کے ممبران سے میرا سوال ہے کہ کیا آپ نہیں سمجھتے کہ سیاست پی کے اب ایک ویڈیو شیئرنگ ویب سائٹ بن چکی ہے? بالخصوص جب آپ سیاست پی کے کا فیس بک پیج ملاحظہ فرمائیں تو یقینا آپ میری بات سے اتفاق کریں گے
ایک زمانہ تھا جب سیاست پی کے پر ہمہ وقت شاندار اور نایاب لکھاریوں کا جمگھٹا لگا رہتا تھا. دنیا جہاں کے موضوعات پر خوبصورت تحریریں اور تبصرے لکھے جاتے تھے, بحث مباحثے ہوا کرتے تھے اور اکثر تھریڈز کمینٹس کی کثرت کی وجہ سے بہت سے صفحات پر پھیل جاتے تھے. یہ بھی درست ہے کہ بحث کے دوران بعض اوقات شائستگی کی حدود سے تجاوز ہو جایا کرتا تھا لیکن ماڈریٹر اس پر قابو پا لیا کرتے تھے. سیاست پی کے کے فیس بک پیج پر بھی لکھاریوں کی تحاریر کو جگہ ملا کرتی تھی جہاں آج سنسنی خیز کیپشنز کے ساتھ ویڈیوز کی بھرمار ہے
طویل غیر حاضری کے بعد کچھ عرصہ قبل جب میں نے اس فورم کو نئے نام سے دوبارہ جوائن کیا تو یقین جانیں کانٹینٹ کی تنزلی دیکھ کر شدید مایوسی ہوئی. ویڈیوز کے لیے یوٹیوب سمیت بہت سے دوسرے ذرائع موجود ہیں. عدیل بھائی اور دوسرے ایڈمنز سے گزارش ہے کہ ازراہ کرم اس طرف توجہ فرمائیں اور ہمیں پرانا سیاست پی کے لوٹا دیں
شکریہ
Adeel
Waseem
AbdulRehman