پاکستان سپر لیگ سیزن 7 کا ترانہ ریلیز کردیا گیا ہے جس کے بعد سوشل میڈیا صارفین کو ایک بار پھر علی ظفر کی یاد ستانے لگی ہے۔
تفصیلات کے مطابق پاکستان کے بین الاقوامی شہرت یافتہ گلوکار عاطف اسلم اور نوجوان سنگر آئمہ بیگ کا گایا ہوا پی ایس ایل سیزن 7 کا ترانہ ریلیز کردیا گیا ہے جس کے بعد ٹویٹر پر "پی ایس ایل اینتھم" اور " علی ظفر" ٹرینڈ کررہے ہیں۔
پی ایس ایل کا گانا آتے ہی سوشل میڈیا صارفین کی جانب سے میمز کی بھرمار شروع ہو گئی ہے۔
سوشل میڈیا صارفین کی جانب سے اس سیزن کے ترانے پر دلچسپ تبصروں کا سلسلہ جاری ہے وہیں کچھ صارفین کو مشہور گلوکار علی ظفر کی جانب سے ماضی میں گائے گئے پی ایس ایل کے ترانے " پھر سیٹی بجے گی" کی یاد بھی ستانے لگی ہے۔
جشن پی ایس ایل نامی ٹویٹر ٹرینڈ نے کہا لیجنڈری سنگر عاطف اسلم اور آئمہ بیگ کے بہترین گانے سے پی ایس ایل کا آغاز ہوگیا ہے، یہ اب تک کا بہترین گانا ہوگا۔
دوسری جانب کچھ ٹویٹر صارفین کو علی ظفر کے پی ایس ایل ترانوں کے مقابلے میں نیا ترانہ کچھ خاص متاثر نہیں کرسکا اور انہوں نے اس کا مقابلہ علی ظفر کے ساتھ کرنا شروع کردیا ۔
ایک اور صارف نے کہا کہ علی ظفر کا اب کھیل جمے گا اب تک کا پی ایس ایل کا بہترین گانا ثابت ہوا ہے۔
ایک اور صارف نے کہا کہ کوئی بھی علی ظفر کے لیول کو نہیں پہنچ سکتا، ایک لیجنڈ ہمیشہ کا لیجنڈ ہوتا ہے۔