وزیر خزانہ مفتاح اسماعیل نے کہا ہے کہ ہم بینکوں سے کہیں گے وہ شرح سود کو کم کریں۔ انہوں نے بتایا کہ اس حوالے سے اسٹیٹ بینک سے بھی میٹنگ ہوئی ہے۔
وفاقی وزیر خزانہ مفتاح اسماعیل نے مائیکروبلاگنگ ویب سائٹ ٹوئٹر پر لکھا کہ اسٹیٹ بینک میں ابھی میٹنگ ہوئی ہے، حکومت ان تمام لوگوں کے لیے میرا پاکستان میرا گھر ہاؤسنگ لون اسکیم جاری رکھے گی جن کی قرض کی درخواستیں منظور ہو چکی ہیں۔
وفاقی وزیر نے بتایا کہ جنہوں نے بیعانہ ادا کیا ہوا ہے۔ ان کی درخواستوں پر کام جاری رہے گا۔ ہم بینکوں سے بھی کہیں گے کہ وہ شرح سود کو کم کریں۔
انہوں نے کہا کہ اسکیم کو سستا اور زیادہ وسیع بنانے کے لیے تشکیل کے عمل میں ہیں۔ نظر ثانی شدہ اسکیم کو جلد ہی متعارف کرایا جائے گا۔
