سینئر تجزیہ کار کامران خان نے کہا ہے کہ آرمی چیف جنرل عاصم منیر نے گزشتہ روز کراچی کادورہ کیا اور اس دوران انہوں نے 50 کے قریب کاروباری شخصیات سے ملاقات کی۔
اپنے تازہ ترین وی لاگ میں کامران خان کا کہنا تھا کہ گزشتہ رات آرمی چیف کراچی تشریف لائے، کاروباری شخصیات سےملاقات میں اہم معاملات پر گفتگو ہوئی ہے، اس دوران آرمی چیف نے بزنس کمیونٹی کو یقین دلایا کہ ریاست اس وقت معاشی مسائل کو دور کرنے کیلئے پرعزم ہے، اس حوالے سے فوری طور پر ایک بہت بڑے آپریشن کا آغاز ہونے والا ہے۔
کامران خان نے کہا کہ اس آپریشن کا بنیادی ہدف یہ ہے کہ ملکی معیشت کو سنبھالا جائے، اس کیلئے جنرل عاصم منیر بہت ہی پرعزم دکھائی دیئے، کل کی میٹنگ میں جنرل عاصم منیر نے کہا کہ معاشی بہتری کے اقدامات میں اسمگلنگ کی روک تھام کیلئے اقدامات کیے جائیں گے، جس میں ایران کےراستے پاکستان میں تیل کی اسمگلنگ بھی شامل ہے۔
انہوں نے کہا کہ پاکستان سے افغانستان ڈالر ز کی اسمگلنگ کا خاتمہ کیا جائے گا، اس دوران ایسے اقدامات کیے جائیں گے جو ماضی میں کبھی نہیں دیکھے گئے،نان فائلرز معیشت کیلئے بھی فوری طور پر اقدامات کیے جائیں گے، ریئل اسٹیٹ سیکٹر ہو یا کوئی اور سیکٹر اس میں نان فائلر کلچر کی روک تھام کیلئے اقدامات کیے جائیں گے اور تمام لوگوں کو ٹیکس نیٹ میں لایا جائے گا۔
کامران خان نے کہا کہ جنرل عاصم منیر نے یقین دلایا کہ جو قومی کاپوریشنز خزانے کا خون چوس رہی ہیں ان کو اگلے چند ماہ میں فکس کیا جائے گا، پرائیویٹائزیشن کا ایک بہت بڑا پروگرام شروع کیا جائے گا اور آئندہ 6 ماہ میں وہ تمام قومی ادارے جو خسارے میں ہیں ان کی پرائیویٹایزیشن کردی جائے گی، ملک میں غیر قانونی طور پر مقیم غیر ملکیوں بشمول افغان باشندوں کو واپس بھیجا جائے گا۔
انہوں نے کہا کہ آرمی چیف نے بزنس کمیونٹی کو یقین دلایا کہ پاکستان کے عظیم دوست چین سمیت تقریبا75 بلین کی سرمایہ کاری کیلئے تیار ہیں۔
- Featured Thumbs
- https://www.siasat.pk/data/files/s3/16armycheifplananan.jpg
Last edited by a moderator:
