بھارتی وزیراعظم نریندر مودی نے اپنی ہی مزاحیہ میم شیئر کردی ہےجس سے بھارتی سوشل میڈیا صارفین ہنسنے پر مجبور ہوگئے ہیں۔
تفصیلات کے مطابق بھارتی وزیراعظم نریندر مودی آج کل لوک سبھا کے انتخابات میں مصروف ہیں، ان مصروفیات کے دوران نریندر مودی نے اپنی ہی ایک مزاحیہ میم سماجی رابطے کی ویب سائٹ ایکس پر شیئر کی۔
یہ پوسٹ ایک اینیمیٹڈ ویڈیو کی تھی جس میں ایک صارف نے نریندر مودی کو ایک مجمع کے سامنے اسٹیج پر ڈانس کرتے ہوئے دکھایا گیا ہے، ویڈیو شیئر کرنے والے صارف نے اس پوسٹ کو شیئر کرتے ہوئے طنزیہ انداز اپناتے ہوئے کہا کہ مجھے امید ہے کہ ڈکٹیٹر مجھے اس وجہ سے گرفتار نہیں کریں گے۔
نریندر مودی نے نا صرف اپنی اس میم کو اپنے آفیشل ایکس اکاؤنٹ سے شیئر کیا بلکہ ساتھ ہی اس میم کو بنانے والے کو بھی سراہتے ہوئے کہا کہ انتخابات کے دوران ایسے تخلیقی کام کو دیکھنا واقعی خوشی کی بات ہے۔
بھارتی وزیراعظم نے مزید کہا کہ آپ سب کی طرح مجھےبھی خود کو ایسے ڈانس کرتے ہوئے دیکھ کر بہت مزہ آیا۔
دوسری جانب اس واقعہ کے چند گھنٹے بعد ہی بھارتی ریاست کولکتہ پولیس نے سوشل میڈیا پلیٹ فارم ایکس پر بھارتی ریاست مغربی بنگا کی وزیر اعلیٰ ممتا بنر جی کی ایسی ہی ایک ویڈیو شیئر کرنے پرسوشل میڈیا صارفی کے خلاف کارروائی کی، اس ویڈیو میں ممتا بنر جی کو ڈانس کرتے ہوئے ہی دکھایا گیا ہے۔