Shah Brahman
Senator (1k+ posts)
سب سے پہلی بات تو یہ کہ یہ بات کرنا ہی فضول اور عبث ہے کہ کون جنت میں جائے گا اور کون جہنم میں
جنت جہنم میں جانے کا فیصلہ اللہ تعالیٰ نے کرنا ہے تو یہ فیصلہ ہمیں اس خالق و مالک پر ہی چھوڑ دینا چاہئے
وہ جس کو چاہے بخش دے چاہے کتنا ہی گناہ گار کیوں نا ہو اور جس کو چاہے سزا دے ، چاہے معمولی ہی غلطی کیوں نا کی ہو
کسی کو جہنم میں جانے کی خبر تو نبی کریم pbuh نے بھی نہیں دی ، تو ہم میں سے کس کی یہ جرات ہو سکتی ہے
ہاں دس برگزیدہ بندوں کو جنت میں جانے کی نبی کریم pbuh نے بشارت ضرور دی تھی
کسی کے جنت یا جہنم میں جانے کی بحث کر کے آخر ہم نکالنا کیا چاہتے ہیں
جنت جہنم والے معاملوں میں ڈرامہ سازی، سنسنی خیزی اور افسانہ طرازی سے گریز کرنا چاہئے ، فرضی کرداروں کا سہارا لیکر اور فرضی صورتحال کی صورت کشی کر کے واہ واہ تو سمیٹی جا سکتی ہے لیکن اسکا آپ کو دنیا و آخرت میں کوئی فائدہ نہیں ہونے والا
اگر کوئی پوچھے بھی کہ فلال فلاں بندہ جنت میں جائے گا یا جہنم میں تو سادہ اور آسان جواب ہے کہ ، بھائی جی معذرت لیکن میں خدا نہیں ہوں کہ کسی کے جنت جہنم کا فیصلہ کرتا پھروں
بجائے کسی دوسرے کے بارے میں مغز ماری کرنے کے کہ وہ جنت یا جہنم میں جائے گا یا نہیں ، اپنے بارے زیادہ توجہ دینی چاہئے کہ آیا میرے اعمال کیسے ہیں اور کیا میں الله عزوجل کے احکامات پر عمل کرنے والا ہوں یا نہیں
دوسروں کے بارے میں فکر کرنے سے کہیں بہتر ہیں کہ اپنے بارے فکر کی جائے
بقول شاعر
تجھے فکر جہاں کیوں ہو ، جہان تیرا ہے یا میرا
برہمن