قومی کرکٹ ٹیم کے کپتان بابراعظم نے بھارتی کپتان ویرات کوہلی سے ایک اور اعزاز چھین کر اپنے نام کرلیا ہے۔
بھارتی کرکٹ ٹیم کے کپتان ویرات کوہلی کے پاس بطور کپتان ٹی 20 کرکٹ میں 13 نصف سنچریاں بنانے کا ریکارڈ تھا جسے آج قومی کرکٹ ٹیم کے کپتان بابراعظم نے توڑ دیا ہے۔
آج ٹی 20 ورلڈ کپ میں پاکستان اور نمیبیا کا میچ جاری ہے، میچ کے دوران بابراعظم نے شاندار اننگز کھیلتے ہوئے 70 رنز سکور کرنے کے بعد آوٹ ہوئے۔
بابراعظم کے کیریئر کی یہ22ویں نصف سنچری تھی جبکہ بطور کپتان انہوں نے 14ویں نصف سنچری بنا کر بھارتی کپتان ویرات کوہلی سے ان کا ایک اور اعزاز بھی چھین لیا ہے۔
واضح رہے کہ اس سے قبل بابراعظم نے ویرات کوہلی سے ٹی 20 کرکٹ میں تیز ترین 1ہزار رنز کا ریکارڈ بھی چھین لیا تھا، انہوں نے یہ اعزازصرف 26 میچز میں حاصل کیا تھا۔
