pakistan ke logoon ke saamne khudaa ne scp ko poori tarah nanga ker diya hai. aisa kerna is liye zaroori tha kyunkeh ye mulk deene islam ke nifaaz ke liye banaaya gayaa tha magar aaj tak aisa huwa nahin kyunkeh aisa kiya hi nahin gayaa. deene islam ko pakistan main naafiz kerne ke liye koi aik qadam bhi aisa nahin uthaaya gayaa jaisa keh uthaana chaiye tha.
ab kisi ko bhi shak nahin hona chahiye keh agar awaam ne is per khamoshi ikhtiyaar ker li to phir pakistan ka wajood khatre main pad jaaye ga. aane wale dinoo main halaat bahot hi ziyaada kharaab hone ke bahot hi ziyaada chances hen. ye is liye keh khudaa ke qanoon ke khilaaf aaj tak koi qowm na aisi taraqi ker saki hai jo us ko kerni chahiye thi aur na hi aik had se aage badh saki hai. adliya ke aise faisle pakistan ko ussi dagar per liye jaa rahe hen.
ab sirf aur sirf awaam hi khud ko bachaa sake to bachaa le warna pakistan ke logoon ka mustaqbil to kuchh achhaa nazar nahin aa rahaa. ye aik jag hasaee ki baat bhi hai. aisi hi baaten hen jin per pakistan ke mullaan agar halaali hote to awaaz uthaate aur logoon ko is ke liye tayaar bhi kerte. ye aik bahot hi badaa failure hai pakistan ki tareekh ka. is daagh ko pakistani qowm ko mitaana ho ga. ye pakistani qowm ki khudaa, us ki kitaab aur rasool ki badtareen gustaakhi hai. is liye keh is main qowm ka sab se badaa idaara mulavis hai.
quraan zaalim logoon ke amaal ke bure nataaij se bharaa padaa hai. is liye logoon ko khabardaar ho jaana chahiye keh ab kia hone waala hai. agar ham samajh saken to khudaa ne pakistan ke baraaye naam musalmaanu ke imaan ki asal haqeeqat duniya ke saamne zahir ker di hai keh ye log jo claim kerte hen woh hen nahin. lihaaza agar khud ko apni gandi karkardagi ke anjaam se bachaa sakte ho to bachaa lo keh shaayad khudaa ham ko kuchh mohlat de de aisa kerne ke liye. agar qowm ne adliya ko theek kerne ke liye koi munaasib qadam na uthaaya to phir pakistan ki tabahi atal hai. is liye aankhen kholo aur apna adlo insaaf waala fareeza adaa karo. haraami pan ka anjaam achhaa ho kaise sakta hai? khudaa hamaari ghalatiyan hamaare saamne is liye laata hai taa keh ham khud ko diye ge waqt ke ander ander theek ker len aur yun khud ko tabahi aur barbaadi se bachaa len. For better understanding of deen of islam from the quran see
HERE,
HERE and
HERE.