قومی احتساب بیورو( نیب) کی تاریخ میں سب سے بڑی پلی بارگین جو کہ 16 ارب روپے کی ہے ، کی درخواست منظور کرلی گئی ہے۔
خبررساں ادارے کی رپورٹ کے مطابق احتساب عدالت کے جج شیخ سجاد احمد نے نیب ریفرنس میں نامزد ملزمان کی جانب سے 16 ارب روپے کی پلی بارگین کی درخواست منظور کی، یہ اب تک نیب کی تاریخ میں سب سے بڑی پلی بارگین ہوگی۔
احتساب عدالت کے جج شیخ سجاد احمد نے متاثرہ خاتون کی درخواست منظور کرتے ہوئے اپنے فیصلے میں متاثرہ خاتون کو رقوم واپس کرنے کیلئے تین سال کا وقت بھی فراہم کردیا ہے۔
واضح رہے کہ نجی ہاؤسنگ سوسائٹی کے نام پر 11 ہزار افراد سے 25 ارب روپے سے زائد کا فراڈ کرنے سے متعلق نیب ریفرنس کے مطابق ملزمان مبینہ طور پر 25 ارب10 کروڑ روپے کا فراڈ کرنے کے بعد ملک سے فرار ہوگئے ہیں، ملزمان کے خلاف نیب نے10 ہزار صفحات پر مشتمل ریفرنس تیار کیا جو 12 فولڈرز پر مشتمل تھا۔