بی بی سی نے دعویٰ کیا ہے کہ افغان وزیر دفاع نے امریکی ڈرون حملے میں پاکستانی سرزمین کےاستعمال کا الزام عائد کردیا ہے۔
افغان وزیر دفاع مولوی محمد یعقوب مجاہد نے پاکستان پر الزام عائد کرتےہوئے کہا ہے کہ ہماری اطلاعات کے مطابق امریکی ڈرون طیارے پاکستان کےراستےافغانستان میں داخل ہورہےہیں، امکان ہے کہ افغانستان میں حملوں کیلئے پاکستان کی فضائی حدود استعمال ہورہی ہے۔
وزیر دفاع نے اتوار کو چیف آف آرمی اسٹاف قاری فصیح الدی فطرت کے ہمراہ پریس کانفرنس کرتے ہوئے کہا کہ ہم پاکستان سےا پنی فضائی حدود افغانستان کےخلاف استعمال ہونے سے روکنے کا مطالبہ کرتےہیں۔
افغان وزیر دفاع نے اپنے الزام کے حق میں ٹھو س شواہد پیش نہیں کیے بس اتنا کہا کہ ہمارےپاس اطلاعات ہیں کہ امریکہ پاکستان کی فضائی حدود استعمال کررہا ہے۔
واضح رہےکہ گزشتہ دنوں افغانستان میں القاعدہ کےسربراہ ایمن الظواہری ایک ڈرون حملے میں مارےگئے تھے، ان کی ہلاکت کی تصدیق خود امریکی صدر جو بائیڈن کی اور کہا کہ انہیں کابل میں امریکی ڈرون حملے میں نشانہ بنایاگیا ہے،اس حملےکے بعد یہ الزامات سامنے آئےتھےکہ امریکہ افغانستان میں کارروائیوں کیلئےپاکستان کی سرزمین استعمال کررہا ہے۔