سابق صدر آصف علی زرداری کی صاحبزادی اور وزیر خارجہ بلاول بھٹو کی بہن بختاور بھٹو نے شوہر کے ہمراہ شاہی قلعہ کا دورہ کیا، اس دوارن عوام کو شاہی قلعہ میں جانے کی اجازت نہیں تھی تمام عوام کو باہر نکال دیا گیا تھا۔
صحافی محمد اکبر باجوہ نے سوشل میڈیا پر اس شاہانہ انداز پر توجہ مرکوز کروائی، صحافی نے ویڈیو اور تصاویر شیئر کرتے ہوئے لکھا آج دوپہر لاہور کے شاہی قلعے اور بادشاہی مسجد میں موجود ساری عوام کو نکال باہر کیا گیا۔
صحافی نے لکھا عوام کو باہر نکالنے کا مقصدبختاور بھٹو صاحبہ اور انکے شوہر محمود چوہدری کو ان جگہوں کا شاہی دورہ کروانا تھا،اس موقعے پر میڈیا کو بھی قریب پھٹکنے اجازت نہ دی گئی۔
محمد اکبر باجوہ کے ٹوئٹ پر دیگر ٹوئٹر صارفین نے بھی اظہار خیال کیا، زہرہ نے لکھا مقبوضہ ممالک ایسے ہی ہوتے ہیں ، معذرت کے ساتھ،
عبدالباسط نے تنقید کرتے ہوئے لکھا حکمران خاندان۔
یسریٰ قریشی نے لکھا عوام کا یہی حال ہے، اگر اپنے حق کے لئے آواز اٹھائیں تو کسی کی جرات نہ ہو ایسا کرنے کی۔