سابق وزیر داخلہ شیخ رشید کہتے ہیں کہ آرمی چیف کے بیان کے بعد افواہیں ختم اور الیکشن ہونے چاہئیں، لوگ اسلام آباد کے اندر سے اور مارگلا کی پہاڑیوں سے نکلیں گے۔
شیخ رشید نے ٹویٹ میں لکھا کہ کنٹینر عوام کا راستہ نہیں روک سکتے،حکومت فوج بلانے اور آرٹیکل دو سو پینتالیس لگانے کا خواب دیکھنا چھوڑ دے۔
انہوں نے کہا کہ بیلٹ کے مقابلے میں بُلٹ کا استعمال ملک میں سیاسی آگ لگا دے گا، عظیم فوج کبھی اپنے لوگوں پر گولی نہیں چلائے گی۔
شیخ رشید کا کہنا تھا کہ مذاکرات کی میز پر لائے گی اور صاف شفاف الیکشن کرائے گی، حکومت اسلام آباد کے پچیس لاکھ لوگوں کو قلعہ بند کرے گی، اسلام آباد کے لوگوں نے گھروں میں راشن ڈالنا شروع کردیا ہے۔