پاکستان کے مایہ ناز فاسٹ بولر محمد عامر پاکستان کرکٹ ٹیم سلیکشن کمیٹی کیخلاف پھٹ پڑے، محمد عامر کے سلیکشن کمیٹی سے متعلق اہم انکشافات نے نیا پنڈورا باکس کھول دیا۔
محمد عامر نے سلیکشن کمیٹی پر طنزیہ وار کرتے ہوئے ٹوئٹ میں کہا، '’دو تیرے، دو میرے۔ اس وقت بس یہ ہی کچھ چل رہا ہے سلیکشن کمیٹی میں، اپنی مرضی کے کھلاڑیوں کو شامل کیا جارہا ہے۔
محمد عامر نے پہلے ٹویٹ کیا کہ شعیب ملک، شرجیل خان، وہاب ریاض کو ٹیم میں ہونا چاہیے تھا لیکن ہوا وہی "دوتیرے، دو میرے"۔
شعیب ملک کی ٹیم میں شمولیت پر محمد عامر نے ایک اور ٹویٹ کیا، انہوں نے لکھا، "اللہ بہت بڑا ہے، روک سکو تو روک لو۔"
واضح رہے محمد عامر نے کچھ عرصہ قبل ریٹائرمنٹ کا اعلان کردیا تھا لیکن مصباح الحق کےجانے کے بعد اپنی خدمات دوبارہ کرکٹ بورڈ کوپیش کردیں۔ محمد عامر سپاٹ فکسنگ سکینڈل میں بھی 5 سال کی سزا بھگت چکے ہیں ۔
محمد عامر کے تبصروں پر کرکٹ شائقین نے بھی جواب دیتے ہوئے کہا کہ جو کھلاڑی سلیکٹ ہوئے ہیں وہ نیشنل ٹی 20 میں پرفارم کر کے یہاں تک پہنچے ہیں۔ اگر وہ بھی اچھا پرفارم کرتے تو اس ٹیم کا حصہ بن سکتے تھے۔ اب ان کی جانب سے ایسی تنقید بےجاہے۔
کچھ لوگوں نے کہا کہ وہ ایک طرف ٹیم کا مذاق اڑا رہے ہیں تو دوسری طرف لوگوں سے توقع کر رہے ہیں کہ قوم کو ٹیم کو سپورٹ کرنا چاہیے۔