سابق وزیر اعظم عمران خان کی سابقہ اہلیہ ریحام خان کو معروف اداکارہ مشی خان نے آڑے ہاتھوں لے لیا۔
تفصیلات کے مطابق پاکستان تحریک انصاف (پی ٹی آئی) کے چیئرمین عمران خان کی ایک ویڈیو سامنے آئی تھی جس میں وہ عوام سے خطاب کرنے سے کچھ دیر قبل بال بنا رہے تھے اس پر عمران خان کی سابقہ اہلیہ ریحام خان نے تبصرہ کیا تو مشی خان نے بھی انہیں لاجواب کردیا۔
ویڈیو میں دیکھا جاسکتاہے کہ سابق وزیر اعظم بال بناتے وقت پوچھ رہے ہیں کہ اب ٹھیک ہے۔ عمران خان کی سابقہ اہلیہ نے سوشل میڈیا پر ویڈیو شیئر کی اور کیپشن لکھا کہ ’ہینڈسم نہ بنے گا دوبارہ۔‘
جس پر پاکستان کی نامور اداکارہ مشی خان نے لکھا کہ ’اور تم کو ایسا موقع ملے گا نہ دوبارہ۔‘
خیال رہے کہ کئی شوبز شخصیات کی جانب سے عمران خان کو عدم اعتماد کے ذریعے ہٹانے کے بعد ان کی حمایت میں بیانات دیے جارہے ہیں ،سوائے کچھ فنکاروں کے علاوہ پوری شوبز انڈسٹری عمران خان کی حمایت میں سامنے آئی ہے۔