عمران خان کی مقبولیت کے طوفان کوقید کرنا یا نااہل کرنا مہنگا پڑسکتا ہے،شیخ رشید
سابق وزیر داخلہ شیخ رشید نے ایک بار پھر خبردار کردیا، ٹویٹ میں لکھا کہ عمران خان کی مقبولیت کے طوفان کو قید کرنا یا نا اہل کرنا مہنگا پڑسکتا ہے،اقتدار کے بھوکوں کے جمعہ بازارکی الیکشن میں تاخیرانکو لےڈوبے گی۔
شیخ رشید نے مزید لکھا کہ 15 کروڑ نوجوانوں کی جیب میں موبائل فون ہے، حکمرانوں کاغلط فیصلہ عوام کےغیض وغضب میں بدل سکتا ہے،لوگ زمینی حقائق سے واقف نہیں کیونکہ وہ عوام میں نہیں۔
سابق وزیر داخلہ نے کہا کہ ملک شدید سیاسی اور اعصابی تناؤ کا شکار اور بند گلی میں داخل ہو گیا ہے، پی ڈی ایم نے جو گڑھا عمران خان کے لیے کھودا تھا اس میں خود گر گئی ہے۔
شیخ رشید نے لکھا کہ ڈالر232 روپے کا، سیلاب، غذائی قحط اوروبائی امراض سر پر ہیں۔ چوروں نے صرف اپنےکیس ختم کرانے تھے، یہ سیکیورٹی میں فوٹو کھنچا سکتے ہیں،عوام میں نہیں جا سکتے۔
دوسری جانب فواد چوہدری نے بھی حکمرانوں پر تنقید کردی، انہوں نے ٹویٹ میں لکھا کہ آئی ایم ایف معاہدے کے بعد توقع تھی کہ روپے کی قدر مستحکم ہوگی، یہاں گنگا الٹی بہہ رہی ہے، مارکیٹ قابومیں ہے نہ روپے کی قدر، آٹا،دال اورسبزیوں کی قیمتوں میں اضافہ ہورہاہے،حکومت پی ٹی آئی کےخلاف کاروائیوں میں مصروف ہے۔
