نومنتخب وزیراعظم شہباز شریف معاشی بحران سے گھبراگئے ہیں اور ملک میں بڑھتی مہنگائی پر معاشی ٹیم پر برس پڑے ہیں۔
خبررساں ادارے کی رپورٹ کے مطابق وزیراعظم شہباز شریف ملک میں بڑھتی ہوئی مہنگائی سے پریشان ہوگئے ہیں اور انہوں نے معاشی ٹیم کو کھری کھری سنادی ہیں، شہباز شریف نے معاشی ٹیم سے کہا کہ باتیں نہ کریں 15 دن میں مہنگائی کو کنٹرول کرنے کے اقدامات کریں۔
رپورٹ کے مطابق شہباز شریف نے چینی کی قیمتوں میں کنٹرول کرنے کیلئےچینی کی برآمد پر بھی پابندی عائد کردی ہے۔
واضح رہےکہ شہباز شریف کی حکومت آنے کے بعد ملک میں چینی ، گھی کی قیمتوں میں اضافہ ہوا ہے جبکہ آج نیپرا نے بھی بجلی کی قیمتوں میں اضافے کی منظوری دیدی ہے، ذرائع کا کہنا ہے کہ شہباز شریف حکومت جلد پیٹرول پر سابقہ حکومت کی دی گئی سبسڈی ختم کرکے پیٹرولیم مصنوعات کی قیمتوں میں بھی اضافہ کرنے جارہی ہے۔
