بھارتی کرکٹ ٹیم کی پے در پے شکست پر بھارتی کرکٹ شائقین سیخ پا ہو گئے اور مقبول ترین ترین بھارتی کرکٹ لیگ "آئی پی ایل" پر پابندی کا مطالبہ کر دیا۔
واضح رہے کہ بھارت نے اب تک 2میچز کھیلے پہلے میچ میں پاکستان نے بھارت کو 10وکٹوں سے شکست دے کر اس کا بھرکس نکالا تھا جبکہ دوسرے میچ میں نیوزی لینڈ نے بھارتی ٹیم کو شرمناک شکست سے دو چار کیا ہے۔
بھارتی سورماؤں کی ورلڈ کپ میں اسے طرح دھول چاٹ پرفارمنس پر کرکٹ شائقین پھٹ پڑے ہیں اور بی سی سی آئی کو شدید تنقید کا نشانہ بنا رہے ہیں، ان کا کہنا ہے کہ بی سی سی آئی اپنے رویے کو بدلے اور ٹیم کا بیڑہ غرق نہ کرے۔
کچھ لوگوں کا خیال ہے کہ چونکہ بھارت کے جیتنے سے پٹاخے پھوٹتے ہیں تو اس سے آلودگی بڑھتی ہے اس لیے بھارت نے نہ جیتنے کا ارادہ کر رکھا ہے۔
گورو گوئل نے کہا کہ یہ کھلاڑی پیسے کیلئے کھیلتے ہیں اب ملک کیلئے کھیلنا ان کو نہیں آتا۔
اس صارف نے بھی کہا کہ پیسہ کمانا کام ہے ملک گیا بھاڑ میں۔
دیو سولنکی نامی صارف نے کہا کہ ان بھارتی کھلاڑیوں کی آنکھیں پیسے پر ٹکی ہیں، یہ ملک کو نہیں دیکھ پا رہے۔
کپل مشرا نامی سوشل میڈیا صارف نے بھی یہی مطالبہ کیا ہے۔
ایک اور صارف کا کہنا تھا کہ آپ آئی پی ایل کیلئے نہیں اپنے ملک کیلئے کھیل رہے ہیں۔
ادھر بھارتی کپتان ویرات کوہلی نے پاکستان اور نیوزی لینڈ کے خلاف شکستوں کی وجہ بتا دی۔ پاکستان کے بعد نیوزی لینڈ سے بدترین ہار پر ویرات کوہلی کا کہنا ہے کہ ہم دونوں میچوں میں پریشرکو ہینڈل نہیں کر سکے۔
بھارتی کپتان نے کیوی ٹیم کی تعریف کرتے ہوئے کہا کہ نیوزی لینڈ نےہم سے بہتر کھیلا ہم نیوزی لینڈکےخلاف بھی کھل کرنہیں کھیل سکے۔