وزیرِ مملکت فرخ حبیب کا کہنا ہے کہ تحریک انصاف نے اپنے 3 سالوں کے دوران مختلف شعبوں میں ترقی کے ریکارڈ توڑے ہیں۔ انہوں نے بتایا کہ کاروبار دوست پالیسیوں کے باعث گزشتہ سال کارپوریٹ سیکٹر کو 929 ارب خالص منافع ہوا ہے۔
تفصیلات کے مطابق فرخ حبیب نے سماجی رابطے کی ویب سائٹ پر جاری اپنے پیغام میں کہا کہ 2018 میں 587 ارب منافع تھا جبکہ پی ٹی آئی حکومت کےدوران کمپنیز رجسٹریشن 44 فیصد اضافے کے ساتھ تقریباً 70 ہزار کمپنیاں رجسٹر ہوئی ہیں۔
وزیر مملکت کا مزید کہنا تھا کہ گزشتہ حکومت یعنی ن لیگ کے دور کے 5 سال میں 25 ہزار 856 نئی کمپنیاں رجسٹر ہوئیں۔ جب کہ ہمارے دور میں 70 ہزار کمپنیاں رجسٹر ہو چکی ہیں۔
وزیر مملکت فرخ حبیب نے یہ بھی کہا کہ رواں مالی سال پہلی سہ ماہی میں ان کمپنیوں کو 258 ارب منافع ہوا ہے۔