پنجاب حکومت کے سابق فوکل پرسن اور پی پی 167 سے تحریک انصاف کے ٹکٹ کے امیدوار اظہرمشوانی نے لکھا کہ پی پی 167 سے نون لیگ کے تین امیدواروں کے کاغذات نامزدگی مسترد ہو گئے
اظہر مشوانی کے مطابق نذیر چوہان کے صاحبزادے معاذ نذیر چوہان ، ن لیگ کے سابق ٹکٹ ہولڈر میاں سلیم اور سابق ن لیگی ایم این اے نصیر بھٹہ کے کاغذات نامزدگی مسترد ہوگئی۔ انہوں نے مزید کہا کہ نذیر چوہان کے کاغذات کو میں وقار طور ایڈوکیٹ ے ذریعے اب لاہور ہائی کورٹ میں چیلنج کروں گا انشأللہ ضمیر فروش لوٹےکو انجام تک پہنچاؤں گا۔
اظہر مشوانی کے مطابق ہمارے جمع کرائے گئے اعتراضات کی طرز پر تمام 20 حلقوں میں تحریک انصاف کے امیدواروں نے ضمیر فروش لوٹوں کے خلاف اعتراضات جمع کروائے ہیں۔
ان کا کہنا تھا کہ نیوٹرل الیکشن کمیشن سے تو امید کوئی نہیں تھی، یہ کیسز ہائی کورٹ اور سپریم کورٹ تک لے کر جائیں گے۔
واضح رہے کہ مسلم لیگ ن نے تحریک انصاف کے ڈی سیٹ ہونیوالے منحرف ایم پی اے نذیر چوہان کو پی پی 167 سے ٹکٹ دیا تھا جبکہ ن لیگ کی طرف سے میاں سلیم اور نصیر بھٹہ بھی ٹکٹ کے امیدوار تھے۔
نذیرچوہان نے اسی حلقے سے اپنے بیٹے معاذنذیرچوہان کو بھی کورنگ امیدوار کے طور پر کھڑا کیا تھا جن کے کاغذات نامزدگی مسترد ہوچکے ہیں۔