موجودہ سیا سی صورتحال پر پاکستان شوبز انڈسٹری کی سینئیر نامور اداکارہ اور میزبان ثمینہ پیرزادہ نے بھی اپنی ذاتی رائے کا اظہار کرتے ہوئے ایک نیاء کمیشن بنانے کا مطالبہ کر دیا۔
تفصیلات کے مطابق اس حوالے سے سماجی رابطے کی ویب سائٹ ٹوئٹرپر سینئر اداکارہ ثمینہ پیرزادہ نے اپنے ایک بیان میں کہا ہے کہ ایک ایسا کمیشن بنایا جائے جو معلوم کرے کہ آج ہم جس جگہ کھڑے ہیں، اُس کی شروعات کہاں سے ہوئی؟
ثمینہ پیرزادہ نے مزید کہا کہ ایسا کمیشن بنایا جائے جس سے ہم معلوم کرسکیں کہ ہم الزام تراشی کی آخری حد تک کیسے پہنچے، اس کمیشن سے یہ معلوم ہوسکے کہ ہم کردار کا قتل کرنے والی خونی دلدل میں کب گِرے۔
اس سے قبل ثمینہ پیرزادہ نے ملک کی موجودہ سیاسی صورتِ حال پر تبصرہ کرتے ہوئےکہا تھا کہ ہر حکومت کو اپنی 5 سالہ مدت پوری کرنی چاہیے اور اس کے بعد نئے عام انتخابات کرائے جانے چاہییں۔
بعد ازاں ان کی مزید ٹوءٹس بھی سامنے آئیں، اداکارہ ثمینہ پیرزادہ نے ایک اور ٹویٹ میں کہا تھا کہ عام انتخابات ہونے دیں، ملک کو آگے بڑھنے دیں، اس طرح جمہوریت مضبوط ہو گی، ہم آزاد قوم ہیں، اپنے فیصلے خود کریں گے۔
سینئیر اداکارہ اور میزبان نے اپنے ایک اور ٹویٹ میں ملک و قوم کی سلامتی کیلئے دعا بھی کی اور مزید لکھا کہ باقی سب کچھ اگر غیر قانونی ہے تو وفاداری خریدنا کیا قانونی ہے، بس یوں ہی خیال آیا۔