اے آروائی کی ڈرامہ سیریل مائی ری اپنے انجام کو پہنچی۔ اس ڈرامہ میں بچوں کی شادی جیسے موضوع کو اٹھایا گیا ہے۔ سیریل کے بارے میں سماجی حلقوں کی جانب سے مختلف آراء سامنے آرہی ہیں
ناقدین کا اعتراض ہے کہ اس ڈرامہ میں طلاق کو گلوریفائی کیا گیا ہے، پہلے ہی معاشرے میں طلاقوں کی شرح بڑھے گی اور ایسے ڈرامے مزید معاشرتی بگاڑ پیدا کریں گے۔
صحافی کرن ناز نے تبصرہ کرتے ہوئے کہا کہ ایک خوبصورت ڈرامہ مائی ری کا بدترین اختتام کیا گیا۔طلاق کو گلوریفائے کیا گیا۔میسیج دیا گیا کہ ایک شادی شدہ لڑکی صرف اسی صورت میں پڑھ لکھ سکتی ہے کامیاب ہوسکتی ہے اگر وہ اپنی شادی ختم کردے۔صرف اس لئیے کہ بڑوں نے اپنی مرضی سے چھوٹی عمر میں شادی کردی۔
انہوں نے مزید کہا کہ ڈرامہ رائٹرز اور پروڈیوسرز سے گزارش ہے آپ خود جانتے ہیں۔طلاق کا تناسب کتنا بڑھ گیا ہے۔اگر کوئی حساس موضوع چھیڑ ہی دیتے ہیں تو اتنے بے ہودہ اختتام سے اس تناسب کو بڑھانے میں اپنا حصہ نہ ڈالیں۔
مریم نامی سوشل میڈیا صارف کا کہنا تھا کہ بے تکا ڈرامہ مائی ری۔۔۔۔۔۔۔* مائی ری ڈرامہ ایسے بے تکے ڈراموں میں سے ایک ہے جن کا نہ سر پیر نہ ہی کوئی لاجک ہے۔ البتہ ایک چیز بڑی مہارت اور واضح انداز میں انجیکٹ کی گئی . اور وہ طلاق جیسے انتہائی فیصلے کو نارمل بنا نا. دوستی کے نام پر غیر شرعی تعلقات
ایک سوشل میڈیا صارف نے تبصرہ کیا کہ ایک خوبصورت ڈراما آہ لیکن اسکا اختتام بے حد برا جس نے بھی لکھا ا چھا لکھا کاش اختتام ایسا نہ کرتا آپ کیا سبق دینا چاہتے ہو پہلے ہی ہمارا معاشرا طلاق کے تناسب میں کہاں ہے اور اس میں کیا دکھایا خدارا ایسا مت کریں آنے والی نسل کو مصبت سوچ دیں
اقصیٰ کا کہنا تھا کہ اے آر وائی ڈرامہ مائی ری کے ذریعے ہمارے دین اور ثقافت اور طلاق کو عام اور صحیح کی ترغیب دیتے ہوئے۔ شادی کو زندگی کی ضرورت بتاتے ہوئے۔ شوہر کی اہمیت ختم کرتے ہوئے۔ اسلام تو بہت لبرل ہے نبی پاک صلی علیہ وآلہ وسلم کے زمانے سے عورتیں کاروبار پڑھائی کرتے سوال کرتے آئی ہیں۔
ڈرامہ سیریل ’مائی ری‘ میں عینا آصف (عینی)، ثمر عباس (فاخر)، نعمان اعجاز (ظہیر)، ماریہ واسطی (ثمینہ)، مایا خان (عائشہ)، رمہا احمد (آمنہ)، ساجدہ سید، حبا علی خان، پارس منصور، عثمان مظہر، آمنہ ملک، بسمہ بابر ودیگر نے اداکاری کے جوہر دکھائے۔
