وزیراعظم کی کوششوں کے باوجود نیوزی لینڈ فیصلے سے پیچھے نہ ہٹا
وزیراعظم عمران خان کی کوششوں کے باوجود نیوزی لینڈ دورہ ختم کرنے کے فیصلے سے پیچھے نہ ہٹا۔
وزیراطلاعات فواد چوہدری نے کہا ہےکہ وزیراعظم عمران خان نے نیوزی لینڈ کی وزیر اعظم سے رابطہ کیا اور یقین دلایا کہ نیوزی لینڈ کی ٹیم کو فول پروف سکیورٹی میسر ہے۔
فواد چوہدری کے مطابق وزیراعظم نے جیسنڈا آرڈرن کو یقین دلایا کہ ہماری انٹیلی جنس ایجنسیز دنیا کی بہترین انٹیلی جنس سسٹمز میں شامل ہیں اور ان کی رائے میں نیوزی لینڈ ٹیم کو کسی قسم کا خطرہ نہیں۔
وفاقی وزیر اطلاعات کا کہنا تھا کہ نیوزی لینڈ کی وزیر اعظم نےاحتیاطاً دورہ ملتوی کرنے کی استدعا کی
https://urdu.geo.tv/latest/264162-
کھلاڑیوں کا تحفظ سب سے اہم ہے: نیوزی لینڈ کی وزیراعظم کا بیان
کیوی ٹیم کے دورہ پاکستان کی یکطرفہ منسوخی کے بعد نیوزی لینڈ کی وزیراعظم جیسنڈا آرڈرن کا اہم بیان سامنے آیا ہے۔
اپنے بیان میں نیوزی لینڈ کی وزیراعظم جیسنڈا آرڈرن نے کہا کہ وزیراعظم پاکستان سے بات چیت میں نیوزی لینڈ ٹیم کی دیکھ بھال پرشکریہ ادا کیا۔
انہوں نے کہا کہ سیریز نہ ہونے پر سب کو کتنا افسوس ہے اس بات کا مکمل اندازہ ہے لیکن کھلاڑیوں کی حفاظت کے لیے نیوزی لینڈ کرکٹ کے فیصلے کی مکمل حمایت کرتی ہوں۔
نیوزی لینڈ کی وزیراعظم کا کہنا تھا کہ ہمارے لیے کھلاڑیوں کا تحفظ سب سے اہم ہے۔
واضح رہےکہ نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی ہے