الیکشن کمیشن آف پاکستان نے عام انتخابات کا شیڈول جاری کر دیا, الیکشن کمیشن سے پہلے اسحاق ڈار کی جانب سے الیکشن کا مبینہ شیڈول جاری ہونے پر دلچسپ تبصرے کئے جارہے ہیں, کیا اسحاق ڈار کے ٹویٹ کے بعد الیکشن کمیشن کو ترمیمی شیڈول جاری کرنا پڑا؟ صارفین کی جانب سے سوالات کی بوچھاڑ کردی گئی.
ثاقب بشیر نے لکھااسحاق ڈار نے شیڈول جاری کر دیا الیکشن کمیشن کو بھی پیچھے چھوڑ دیا.
محمد اوسامہ نے سوال کیا کہ اسحاق ڈار نے ٹویٹ تو ڈیلیٹ کر ڈالی مگر سکرین شارٹس کا کیا کریں گے ؟الیکشن شیڈول کا اعلان کرنا کس نے تھا اور کر کس نے دیا, کسی اور کو بھی موقع دیں ڈار صاحب ، جس کا یہ کام ہے انہیں کچھ تو کرنے دیں.
ناصر بلوچ نےلکھا الیکشن کمیشن کے باہر پورا میڈیا کھڑا ہے کسی کو ابھی تک خبر نہیں لیکن اسحاق ڈار نے الیکشن کمیشن سے بھی پہلے انتخابی شیڈول جاری کردیا،، حیران کن صورتحال ہے.
مغیز علی نے لکھا اسحاق ڈار کے پاس شیڈول کہاں سے آگیا ؟ ابھی تک الیکشن کمیشن نے جاری نہیں کیا، میڈیا الیکشن کمیشن آفس کے باہر کھڑا ہے، صحافی اندر چیف الیکشن کمشنر کے پاس ہیں، لیکن مسلم لیگ ن کے اہم رہنما کے پاس یہ شیڈول کیسے آگیا ؟ اب اس کو بچانے کیلئے شیڈول میں ترمیم کریں گے ؟ دلچسپ
رائے ثاقب نے لکھا ہاہاہا کمال ہو رہا ہے۔ الیکشن کمیشن کا کام اسحاق ڈار کرُرہے ہیں وہ بھی ان سے پہلے۔
رضوان غزالی نے لکھاالیکشن شیڈول اسحاق ڈار اعلان کریں یا سکندر سلطان راجہ صاحب۔ بات تو ایک ہی ہے۔
محمد عمیر نے لکھااسحاق ڈار نے الیکشن کمیشن سے قبل ہی الیکشن شیڈول جاری کردیا اور پھر ٹویٹ ڈیلیٹ کردی،ٹویٹ کے ٹکرز بھی تمام چینلز پر چل چکے۔
محمف ضمیر نے لکھا الیکشن کمیشن نے توابھی تک شیڈول جاری نہیں کیا یہ اسحاق ڈار کے پاس کیسے پہنچ گیا؟ الیکشن کمیشن کو کور کرنےوالے رپورٹرز رہنمائی فرماسکتے ہیں ؟
ارسلان بلوچ نے لکھا ابھی الیکشن کمیشن نے شیڈول جاری نہیں کیا،لیکن اسحاق ڈار نے شیڈول جاری کر دیا,یہ کروائیں گے صاف شفاف الیکشن
عبید بھٹی نے لکھا اسحاق ڈار کی الیکشن شیڈول سے متعلق ٹویٹ اور 2013 کے انتخابات کے روز رات 9 بجے ہی نوازشریف کی فاتحانہ تقریر ایک ہی پروڈکشن ہاوس کی پراڈکٹ ہیں
الیکشن کمیشن کی جانب سے جاری شیڈول کے مطابق ملک بھر میں عام انتخابات 8 فروری کو ہوں گے، ریٹرننگ افسران 19دسمبر کو پبلک نوٹس جاری کریں گے۔
شیڈول کے مطابق عام انتخابات کے لئے کاغذات نامزدگی 20 تا 22 دسمبر جمع کرائے جاسکیں گے، امیدواروں کی ابتدائی فہرستیں 23 دسمبر کو جاری ہوں گی۔
امیدواروں کے کاغذات نامزدگی کی جانچ پڑتال 24 تا 30 دسمبر ہو گی، کاغذات نامزدگی کیخلاف اعتراضات 3 جنوری تک دائر کیے جا سکیں گے، امیدواروں کے کاغذات نامزدگی کیخلاف اپیلیں 10 جنوری تک سنی جائیں گی۔
سپریم کورٹ آف پاکستان نے ریٹرننگ افسران اور ڈسٹرکٹ ریٹرننگ افسران کے بارے میں لاہور ہائی کورٹ کا فیصلہ معطل کرتے ہوئے الیکشن کمیشن آف پاکستان کو آج ہی الیکشن شیڈول جاری کرنے کا حکم دیا تھا۔
الیکشن کمیشن نے سپریم کورٹ کے احکامات پر عملدرآمد کرتے ہوئے چاروں صوبائی الیکشن کمشنرز کے نام مراسلہ بھی جاری کر دیا جس میں کہا گیا ہے کہ ڈی آر اوز اور ریٹرننگ افسروں کی ٹریننگ 17 تا 18 دسمبر ہوگی۔
الیکشن کمیشن آف پاکستان کے مراسلے کے مطابق ڈسٹرکٹ ریٹرننگ افسران کی ایک روزہ ٹریننگ 19 دسمبر کو بھی ہو گی۔
