وفاقی وزیر اطلاعات فواد چوہدری نے کہا ہے کہ صوبائی اسمبلی کے امیدواروں کے جلسے بلاول کے آج کے جلسے سے بڑے ہوتے ہیں۔
مائیکروبلاگنگ ویب سائٹ ٹویٹر پر فوادچوہدری نے بلاول بھٹو کے آج مالاکنڈ جلسے میں جتنے لوگ ہیں عام طور پر صوبائی اسمبلی کے امیدواروں کے جلسے اس سے بڑے ہوتے ہیں اور باتیں ایسے کر رہے ہیں جیسے آگے لاکھوں لوگ تقریر سن رہے ہیں۔
انہوں نے مزید کہا کہ اپوزیشن والے جلسوں کے معاملے میں عمران خان کامقابلہ نہیں کرسکتے۔
واضح رہے کہ آج پیپلزپارٹی کے زیر انتظام مالاکنڈ میں جلسہ منعقد کیا گیا جس سے چیئرمین پیپلزپارٹی بلاول بھٹو زرداری سمیت دیگر پارٹی رہنماؤں نے خطاب کیا اور کہا کہ ہم پہلے دن سے کٹھ پتلی اورسیلکٹڈ کا مقابلہ کررہے ہیں،ہم نے غیر جمہوری شخص سے مقابلہ کیلئے آئینی راستہ چنا ہے اور ایمپائر کی انگلی کا جواب ووٹ کی انگلی سے دیا جائے گا۔
انہوں نے مزید کہا تھا کہ عمران خان میں غیرت ہے تو مقابلہ کرے کیونکہ بزدل ہمیشہ گالی دیتا ہے،وزیراعظم نے آج تک نہیں بتایا کہ جانور کون ہے، انہیں معلوم ہے کہ صاف و شفاف انتخابات ہوئے تو یہ شکست سے دوچار ہوں گے، پاکستان کسی ایک جماعت یا شخص نہیں بلکہ پاکستان کے عوام کا ہے۔
