سپریم کورٹ میں زیر التوا کیسز میں غیر معمولی اضافہ ریکارڈ کیا گیا ہے،زیر التوا کیسز کی تعداد56 ہزار سے تجاوز کرگئی ہے۔
تفصیلات کے مطابق سپریم کورٹ نے 31 اگست تک زیر التوا کیسز سے متعلق اعداوشمار جاری کردیئے ہیں، جس کے مطابق ایک ماہ کے دوران سپریم کورٹ میں زیر التوا کیسز میں 1579 مقدمات کا اضافہ ہوا۔
سپریم کورٹ کی جانب سے جاری کردہ رپورٹ کے مطابق ایک ماہ میں سپریم کورٹ میں زیر التوا کیسز کی تعداد45ہزار965 سے بڑھ کر 56ہزار544 ہوگئی ہے۔رپورٹ کے مطابق سپریم کورٹ میں زیر التوا فوجداری مقدمات کی تدکاد9ہزار384ہے، جبک25 از خود نوٹس اور ایک ریفرنس بھی زیر التوا ہے۔
اسی طرح سپریم کورٹ میں نظر ثانی کی 1ہزار653 درخواستیں بھی التوا کا شکار ہے، سول پٹیشنز 30ہزار578 ایسی ہیں جو زیر التوا ہیں،جبکہ زیر التوا سول اپیلوں کی تعداد9ہزار875 تک پہنچ گئی ہے۔
