sab log is baat ko achhi tarah se jaan lo keh tijaarat anbiyaa ka pesha her giz nahin tha aur na hi ho sakta hai. ye aik majboori thi jo anbiyaa ko bhi apnaani padi. aisa un ko kyun kerna pada?
is liye keh jab koi paighamber khudaa ki taraf se aata tha to zaroori to nahin tha keh us ke aane se pehle un logoon ne deene islam per mabni hakoomat qaaim ki ho jin main woh paighamber aata tha. ab agar deene islam per mabni hakoomat nahin hai to anbiyaa kaise apni zindagi guzaaren ge jab tak un ka mission shuroo nahin hota?
phir jab un ka mission shuroo bhi hota hia to us ke bhi kayee marhale hote hen jab tak asal deene islam per mabni hakoomat poori tarah se qaaim hoti hai. aise adwaar main paighambrun ko bhi aik had tak hi azaadi muyassar ho sakti thi. yahee aaj bhi ho rahaa hai insaanu ke saath jahaan jahaan khudaa ka nizaam qaaim nahin hai. phir aaj to kaheen bhi khudaa ka nizaam qaaim nahin hai.
deene islam main woh tijaarat haraam hai jo hamaare zehnu main daali gayee hai. tajaarat=business aur business=maamlaat yani logoon ka aik doosre ke saath apne rozmarra zindagi ke mutaliq maamlaat kaise teh karen. aaj log kehte hen woh apni zindagiyun ke maamlaat capitalism, communism aur socialism ke teht aik doosre se teh kerte hen magar quraan ham ko in economic nizaamun ke bajaaye apna aik nizaamen zindagi deta hai. jis ko ham khud ko musalmaan kehlwaane wale logoon ne kabhi theek tarah se jaanane ki koshish hi nahin ki us ko apnaana to bahot door ki baat hai.
quraan ka nizaam hayaat ummat ke tasauwar per mabni hai. yaani sab musalmaan aapas main bhai bhai hen jin ka kaam hi khudaa ke liye aik doosre ki behtari ke liye sab kuchh ker guzarna hai. yaani khudaa ne musalmaanu ko jo kuchh diya hai batore ummat us ko aapas main aise taqseem kerna jisse tamaam ummati logoon ki zarooriyaate zindagi poori ho jaayen sirf achhi nahin balkeh behtareen tareeqe se. keh sab khudaa ke deen ke gun gaane lagen. issi liye to ummat ka khud ko munazzam kerna aur regulate kerna betraeen tareeqe se asal deene islam hai, baaqi sab mullaan ki behuda baaten hen jo unhune khud ghard li hen aur un per islam ka thappa lagaa liya hai.
lihaaza deene islam ke mutaliq asal baatun ko samjhen aur khudaa aur us ke rasoolun per jhoot mat baanden apni asal deene islam se jahalat ki wajah se.
kia ye zameen aur is main mojood her shai aap main se kisi ne khudaa ko paise de ker khareedi hai khudaa se? nahin naa. to phir ye zameen aur is ki her shai aap ki kaise hui? agar aap ki nahin hai to aap ko ye haq kis ne diya keh aap is ki her shai ko istemaal main laayen ya is ki khareedo farokhat karen?
insaanu ke paas aise sawalaat ka koi jawaab nahin hai siwaaye is keh jo khud khudaa ne hi quraan main quraan main insaanu ko bataaya hai. lihaaza insaanu ke liye quraan ko padhna us ko theek tarah se samajhne ke liye zaroori hai ta keh her koi khudaa ki di hui cheezun ko khudaa ke bataaye ke ain mutaabiq istemaal kare ta keh khudaa ka woh maqsad poora ho sake insaanu ke haathun jis ke liye khudaa ne insaanu ko banaaya hai, warna insaan aik doosre ke haathun tabaho barbad hote rahen ge aik doosre per zabardasti apni apni marzi thosne ki wajah se. For better understanding of deen of islam from the quran see
HERE,
HERE,
HERE and
HERE.
lafze shukar ke maani jaane kisi aqal mand aadmi se. quran ke mutaabiq khudaa ki di hui cheezun ko unhi maqaasid ke liye istemaal kerna hi khudaa ka shuker kehlaata hai jin ko khudaa ne muqarar kiya hai aur ussi tareeqe se jo khudaa ne diya hai. apni marzi istemaal kero ge to fasaad hi peda karo ge. lafzi tor per khudaa ka shuker kerna aur amli tor per us ke kkhilaaf chalna hi is ummat ki barbaadi ka asal sabab hai.