سیمی فائنل میں نیوزی لینڈ کو شکست دینے والی پاکستانی ٹیم نے ورلڈ کپ میں ایک منفرد ریکارڈ بھی قائم کرلیا ہے۔
تفصیلات کے مطابق آج کھیلے گئے آئی سی سی ٹی20 ورلڈ کپ کے پہلے سیمی فائنل میں پاکستان نے نیوزی لینڈ کو شکست دے کر فائنل تک رسائی حاصل کرلی ہے۔
کرکٹ کی دنیا پر گہری نظر رکھنے والے ماہر مظہر راشدنے سیمی فائنل میچ میں پاکستان کی جانب سے بنائے گئے ایک منفرد ریکارڈ کی طرف نشاندہی کی، یہ ریکارڈ پاکستان کی شاندار بولنگ کی بنیاد پر بنا ہے۔
پاکستانی ٹیم نے سیمی فائنل میچ میں کوئی بھی وائیڈ یا نو بال نہیں کروائی، ٹی20 ورلڈ کپ کے ناک آؤٹ مرحلے میں یہ اپنی طرز کا پہلا واقعہ ہے جب کسی ٹیم کی جانب سے پورے20 اوورزکے اندر کوئی بھی وائیڈ یا نو بال نا کی گئی ہو۔
پاکستان کی جانب سے مجموعی طورپر 6 باؤلرز نے 20 اوورز پھینکےمگر کسی ایک نے بھی کوئی وائیڈ یا نو بال نہیں کروائی، یہ پاکستان کی جانب سے بھی شاندار باؤلنگ کی ایک مثال ہے۔
واضح رہے کہ آج کھیلے جانے والے آئی سی سی ٹی 20 ورلڈ کپ کے پہلے سیمی فائنل میں پاکستان نےنیوزی لینڈ کو 7 وکٹوں سے شکست دے کر فائنل کیلئے کوالیفائی کرلیا ہے۔
نیوزی لینڈ نے پہلے بیٹنگ کرتے ہوئے152 رنز بنائے جسے پاکستانی ٹیم نے 3 وکٹوں کے نقصان پر آخری اوور میں مکمل کرلیا، پاکستان کی جانب سے بابراعظم اور محمد رضوان نےنصف سنچریاں کرکے نمایاں رہے۔
