معروف تجزیہ کار و صحافی حبیب اکرم نے ڈی سیٹ ارکان پنجاب اسمبلی کے رواں ماہ منعقد ہونے والے ضمنی انتخاب سے متعلق کہا ہے کہ قانونی طور پر پنجاب میں مخصوص نشستوں پر نامزدگی ضمنی الیکشن کی محتاج نہیں۔ انہوں نے ان تمام سیٹوں کو تحریک انصاف کا حق قرار دیا ہے۔
حبیب اکرم نے اس کی وجہ یہ بتائی ہے کہ مخصوص نشستیں عام انتخابات کے بعد کوٹے کی بنیاد پر ہوتی ہیں. بعد میں ان پر کوئی ردو بدل نہیں ہوسکتا۔ اگر ضمنی انتخاب والی شرط مان لی جائے تو دراصل ایک دستوری ابہام پیدا ہوگا۔
انہوں نے اس سے متعلق مزید کہا ہے کہ اگر مخصوص نشستوں والے منحرف نہ ہوتے تو ان کی نشستیں خالی بھی نہ ہوتیں۔ ایسی صورت میں کیا ضمنی الیکشن کے بعد دوبارہ سے مخصوص نشستوں کا حساب لگا کر کچھ لوگوں کو اسمبلی سے نکالا جاتا؟
حبیب اکرم نے کہا اس لیے یہ کوئی دلیل نہیں کہ ضمنی الیکشن کے بعد مخصوص نشستوں کا نوٹیفیکیشن ہوگا۔
ایک اور ٹویٹ میں صحافی نے کہا دستور اور انتخابات کے ایک طالب علم کے طور پر میری رائے میں پنجاب کی خالی ہونے والی نشستیں تحریک انصاف کا حق ہیں۔ اگر دستور، قانون اور منطق کو توڑ مروڑ کر کچھ کرنا ہے تو پھر جو چاہیں کر گزریں۔