وفاق میں حکومتی اتحادی کا حصہ ایم کیو ایم نے حکومت کیلئے خطرے کی گھنٹی بجادی ہے۔
تفصیلات کے مطابق ایم کیو ایم پاکستان کے رہنما وسیم اختر نے اپنے ایک بیان میں ہے کہ وزیراعظم شہباز شریف کوکہنا چاہتا ہوں کہ کراچی سے متعلق اپنے وعدوں کو پورا کریں ، ہم کسی کو بلیک میل نہیں کرنا چاہتے بلکہ مسائل کا حل چاہتےہیں،کراچی کے عوام ہم سے کہہ رہے ہیں کہ حکومت سے جان چھڑائیں۔
انہوں نے مزید کہا کہ لوگ کراچی صرف ووٹ مانگنے کیلئے آتےہیں، دونوں حکومتوں سے کہنا چاہوں گا کہ آپ اس شہر کیلئے سنجیدہ نہیں ہیں، اس شہر کیلئے کسی نے بھی کام نہیں کیا، ہم نے کراچی کیلئے ہی اس اتحاد میں شمولیت اختیار کی اور معاہدے کیے، وعدے پورے نہیں ہوں گے تو پی ٹی آئی کی طرح اس اتحاد کو بھی خیر آباد کہہ دیں گے۔
وسیم اختر نے مزید کہاکہ ہم نے وزیراعظم شہباز شریف کو 7 ووٹ اس شہر کیلئے ڈالے تھے، مگر آپ لوگ وعدےپورے نہیں کررہے، پی ٹی آئی کو چھوڑنےکےبعد کراچی کی بہتری کیلئے اورکوئی آپشن نہیں تھا ،تاہم اب ہم اپنا فیصلہ کرنے والے ہیں۔