گورنر پنجاب بلیغ الرحمان نے تحریک انصاف کے نومنتخب وزیراعلی پنجاب سے حلف لینے سے معذرت کرلی ہے۔
تفصیلات کے مطابق ڈپٹی اسپیکر پنجاب اسمبلی کی رولنگ کو کالعدم قرار دیتے ہوئے سپریم کورٹ نے چوہدری پرویزالہیٰ کو وزیراعلیٰ پنجاب کے انتخاب کا فاتح قرار دیتے ہوئے آج رات ساڑھے 11 سے قبل اپنے عہدے کا حلف اٹھانے کا حکم جاری کیا تھا۔
عدالتی فیصلے میں کہا گیا تھا کہ اگر گورنر پنجاب نو منتخب وزیراعلی سے حلف لیں، اگر گورنر دستیاب نا ہوں تو صدر مملکت وزیراعلی سے حلف لیں۔
پاکستان مسلم لیگ ن کی جانب سے نامزد کردہ گورنر پنجاب بلیغ الرحمان نے تحریک انصاف کے فتح یاب ہونے والے چوہدری پرویز الہیٰ سے حلف لینے سے معذرت کرلی ہے۔
جس کے بعد رہنما تحریک انصاف میاں محمودالرشید نے صدر مملکت ڈاکٹر عارف علوی سے رابطہ کیا ہے،امکان ظاہر کیا جارہا ہے کہ صدر مملکت ویڈیو لنک کے ذریعے پرویز الہیٰ سے وزیراعلی پنجاب کے عہدے کا حلف لیں گے۔