Tere siwa kya jaane koi dil ki haalat Rabba
Saamne tere guzri mujh per kesi qayamat Rabba
main wo kis tarah se karoon bayaan
jo kiye gae hain sitam yahaan
sune kon meri ye daastan
koi hamnasheen he na raazdaan
jo tha jhoot wo bana sach yahaan
nahi kholi mene magar zubaan
ye akela pan, ye udaasiyaan
meri zindagi ki hain tarjumaan
Meri Zaat Zarra-e-Benishan
Meri Zaat Zarra-e-Benishan
kabhi sooni subh main ghoomna
kabhi ujri shaamon ko dekhna
kabhi bheegi aankhon se jaagna
kabhi beete lamhon ko sochna
magar aik pal he ummeed ka
he mujhe Khuda ka jo aasra
na hi mene koi gila kiya
na hi mene di hain duhaaiyaan
Meri Zaat Zarra-e-Benishan
Meri Zaat Zarra-e-Benishan