وزیراعظم شہباز شریف کی زیر قیادت پاکستانی وفد کی امریکی نمائندہ خصوصی برائے ماحولیاتی تبدیلی جان کیری سےنیویارک میں ملاقات ہوئی ہے، ملاقات میں پاکستان میں رجیم چینج کی سازش کے اہم کردار ڈونلڈ لو بھی موجودتھے۔
تفصیلات کے مطابق دورہ امریکہ پر موجود پاکستانی وزیراعظم اور دیگرحکومتی رہنماؤں نے نیویارک میں امریکی عہدیداران سے ملاقات کی، وزیراعظم آفس کی جانب سے جاری کردہ بیان کے مطابق پاکستانی وفد نے امریکہ کے نمائندہ خصوصی برائے موسمیاتی تبدیلی جان کیری سے ملاقات کی۔
https://twitter.com/x/status/1572448168784302080
وزیراعظم آفس اور خود جان کیری نے اس ملاقات کی تصاویر شیئر کیں، جان کیری نے اپنے بیان میں کہا کہ میں نے اور شہبازشریف نے پاکستان میں ہونے والی سیلاب کی تباہ کاریوں سے متعلق تبادلہ خیال کیا گیا ہے، امریکہ نے پاکستان میں اس انسانی بحران سے نمٹنے کیلئے 55 ملین ڈالر کی امداد بھجوادی ہے۔
وزیراعظم شہباز شریف اور جان کیری کے درمیان ہونے والی اس ملاقات میں ایک اور شخصیت توجہ کا مرکز بنی ہوئی ہے ،یہ شخصیت امریکہ کے اسسٹنٹ سیکریٹری آف اسٹیٹ فار ساؤتھ اینڈ سینٹرل ایشین افیئرز ڈونلڈ لو ہیں جو جان کیری کے بالکل ساتھ ماسک پہنے بیٹھے دکھائی دے رہےہیں۔
https://twitter.com/x/status/1572376033759793154
پاکستان تحریک انصاف کی رہنما شیریں مزاری نے اس ملاقات کی تصویرشیئر کرتے ہوئے اپنی ٹویٹ میں کہا کہ کرائم منسٹراور ان کے بدمعاشوں خصوصا وزیر دفاع اقامہ آصف کے چہروں پر جان کیری اور پاکستان میں امریکی رجیم چینج کی سازش کے تحت پاکستانی سفیر کو ڈکٹیٹ کرنے والے ڈونلڈ لو سے ملاقات کے دوران مسکراہٹیں دیکھیں۔
شیریں مزاری نے مزید کہا کہ یہ مسکراہٹیں بشمول "شکریہ ڈونلڈ لو" سمیت سب کچھ کہتی ہیں، شرم آنی چاہیے۔
https://twitter.com/x/status/1572431927738793987
واضح رہے کہ ڈونلڈ لو وہ شخصیت ہیں جنہوں نے پاکستان میں عمران خان کی حکومت کے خاتمے سے متعلق امریکی رجیم چینج کی سازش کے تحت امریکہ میں پاکستانی سفیر کو ایک مراسلہ دیا تھا جس میں کہا گیا تھا کہ اگر عمران خان کے خلاف عدم اعتماد کی تحریک کامیاب نا ہوئی تو پاکستان کو مشکلات کا سامنا کرنا پڑسکتا ہے۔