سندھ کے سابق گورنر عمران اسماعیل نے الزام عائد کیا ہے کہ سیلاب زدگان کے لیے آنے والے امدادی سامان کے جہاز پیپلز پارٹی ہضم کر رہی ہے۔
تحریک انصاف کے رہنما اور سابق گورنر سندھ عمران اسماعیل نے مائیکروبلاگنگ ویب سائٹ ٹوئٹر پر پیپلز پارٹی اور وزیر خارجہ کو تنقید کا نشانہ بنایا ہے۔
عمران اسماعیل نے اپنے ٹوئٹ میں کہا ہے کہ بلاول کے حکومت میں آنے کے بعد بہتری صرف ان کی اپنی دولت میں آئی ہے، وہ جب سے وزیر خارجہ بنے ہیں صرف 7 دن پاکستان میں رہے ہیں۔
سابق گورنر نے کہا کہ عمران خان نہیں بلکہ بلاول اور اتحادی بیرونی طاقتوں سے ڈرتے ہیں۔ انہوں نے مزید کہا کہ الیکشن سے بھاگنے کے لیے سندھ کو ڈبونے والے بلاول اپنے قد سے بڑی باتیں کر رہے ہیں۔
انہوں نے سیلاب زدگان کی امداد کھانے سے متعلق الزام لگاتے ہوئے پیپلزپارٹی کو ہدف تنقید پر رکھا لیا اور کہا ہے کہ سیلاب زدگان کے لیے انے والے امدادی سامان کے جہاز تو پی پی ہضم کر رہی ہے۔
