مقبول زمانہ سوشل میڈیا ٹرینڈ #IMPORTEDGOVERNMENTNAMANZOOR پاکستان کی تاریخ کا سب سے بڑا سوشل میڈیا ٹرینڈ بن گیا ہے۔ جس کے تحت 5 ملین سے زائد لوگ اپنی رائے کا اظہار کر چکے ہیں۔
اس ٹرینڈ کو ہر سوشل میڈیا پلیٹ فارم پر استعمال کیا جا رہا ہے جس میں مبینہ غیر ملکی طاقت کی طرف سے پاکستان میں حکومت کی تبدیلی کی سازش رچائے جانے کی بھرپور مذمت کی جا رہی ہے۔
اعدادوشمار کے مطابق صرف ٹویٹر پر ہی اس ہیش ٹیگ کے ساتھ 3 ملین سے زیادہ ٹویٹس ہو چکے ہیں جو بڑے پیمانے پر سامعین تک پہنچ چکے ہیں۔ اس ٹرینڈ کی پوٹینشل ریچ کا تخمینہ 8.2 بلین لگایا گیا ہے۔ اسے دیگر سوشل میڈیا سائٹس جیسے فیس بک اور انسٹاگرام پر بھی استعمال کیا جا رہا ہے۔
سوشل میڈیا صارفین اس غیر ملکی سازش کے خلاف سراپا احتجاج ہیں اور اپنے جذبات کا اظہار کر رہے ہیں اسی تناظر میں گزشتہ شب رات 8 سے 10بجے تک پرامن احتجاج کی کال دی گئی تھی جس پر ملک کے چھوٹے بڑے سبھی شیروں میں لاکھوں کی تعداد میں لوگ سڑکوں پر امڈ آئے تھے۔
ابھی بھی لوگ #IMPORTEDGOVERNMENTNAMANZOOR کے ٹرینڈ کے ساتھ ٹوئٹس، پوسٹس، اسٹوریز اور یوٹیوب پر ویڈیوز شیئر کر رہے ہیں۔
ایک صارف کا کہنا ہے کہ خان صاحب ہم آپ کے ہیں۔ کہیں گے تو عدلیہ کی کالی بھیڑیں باہر نکال لائیں گے۔ کہیں گے تووطن عزیز کی غیور فوج کے چند بکے لوگوں کو گھسیٹ لائیں گے یقین مانئے 99.99 فیصد فوجی ہمارا ساتھ دیں گے۔اشارہ دیں ہماری جان لہو مال سب حاضر ہے۔
جنید احمد نے کہا ہے کہ کال دے کر ابھی وہ عوام میں خود نہیں آیا ۔ یہ عوام کا ازخود نوٹس ہے۔ لگاؤ عدالت کرو فیصلہ ۔ یہ شہریوں کا آرٹیکل 69 ہے۔ سو باتوں کی ایک بات۔
میاں اویس نے اسی ٹرینڈ کے ساتھ کہا کہ اگر کبھی اچانک پورے ملک میں ایک ساتھ لائٹ چلی جائے اور انٹرنیٹ سروس ڈاؤن ہوجائے تو آپ نے کسی چیز کا انتظار نہیں کرنا بلکہ کپتان کی حفاظت کیلئے فوری باہر نکلنا ہے بنی گالا پہنچنا ہے یہ امریکی غلام حکومت کسی حد تک بھی جاسکتی ہے۔
ملک حسن رساں نے کہا کہ میں ایک پاکستانی شہری ہونے کے ناطے شہباز شریف کو وزیر اعظم ماننے سے انکار کرتا ہوں ۔ میرا ضمیر کسی چور اور سزا یافتہ شخص کو جوتی کی نوک پہ رکھتا ہے۔
دانیال نے گزشتہ شب ہونے والے احتجاج کے مناظر شیئر کرتے ہوئے لکھا کہ عمران خان کے بغیر اگر اتنی بڑی تعداد میں عوام نکل آئی ہے، عمران خان صاحب جب خود نکلے تو پھر کیا منظر ہو گا؟
ایک صارف نے بڑی تعداد میں اس ٹرینڈ کے حق میں ٹوئٹس کرنے والوں کو شاباش دی اور ساتھ میں ٹاپ ٹرینڈز کی تصویر شیئر کی۔