وزیراعظم شہباز شریف کے معاون خصوصی حنیف عباسی نےشیخ رشید کی وگ اتار کر لانے والے کو 50 ہزار انعام دینے کا اعلان کردیا ہے۔
معاون خصوصی حنیف عباسی نے پریس کانفرنس کی ، جس میں انہوں نے کہا کہ سابق وزیر اعظم عمران خان کے کہنے پر مسجد نبوی ﷺ کےافسوس ناک واقعےکی منصوبہ بندی کی گئی،یہ پلاننگ میں عمران خان اور شیخ رشید نےکی، شیخ رشید کا بھتیجا بھی پلاننگ شامل رہا۔انہوں نے کہا کہ بدترین دشمن کے سامنے بھی مسجد میں کوئی بات نہیں کرتا۔
حنیف عباسی نے پریس کانفرنس میں کہا کہ شیخ رشید سیاست میں مقابلہ کریں وہ جس حلقے سے الیکشن لڑیں گے وہاں سے میں بھی لڑوں گا۔انہوں نے کہ یہ جہاں جائیں گے انہیں انڈے اور ٹماٹر پڑیں گے۔ شیخ رشید کی وگ اتار کر لانے والےکو 50 ہزار روپے انعام دوں گا۔
معاون خصوصی وزیر اعظم نے مزید کہا کہ مسجد نبوی میں شاہ زین بگٹی اور مریم اورنگزیب کو گالیاں دی گئیں، ان سب لوگوں کیخلاف مقدمہ درج کرکےگرفتار کرنا چاہیے،یہ مدینہ کے تقدس کی بات ہے، اس فعل میں شامل افراد کے خلاف سخت کارروائی ہونی چاہیے۔
