لاہور کے علاقے ڈیفنس سی میں تین افراد نے گھر میں گھس کر دو لڑکیوں سے مبینہ اجتماعی زيادتی کی، پولیس کے مطابق ایک ملزم کو موقع سے گرفتار کرلیا گیا، دو فرار ہوگئے۔
تفصیلات کے مطابق متاثرہ لڑکی کی مدعیت میں مقدمہ درج کرلیا گیا ہے، ایف آئی آر کے مطابق متاثرہ لڑکیاں اور ان کی دوست گھر میں موجود تھیں کہ ملزمان نے 3 موبائل فون اور 45 ہزار روپے چھین لئے، 2 لڑکیوں کو اجتماعی زیادتی کا نشانہ بنایا۔
ایف آئی آر میں مزید کہا گیا ہے کہ متاثرہ لڑکیوں کے شور مچانے پر اہل محلہ کی اطلاع پر پولیس نے موقع پر پہنچ کر ایک ملزم کو گرفتار کر لیا اور ایک متاثرہ لڑکی کی مدعیت میں درج کر کے تفتیش کا آغاز کر دیا۔
وزیراعلیٰ پنجاب عثمان بزدار نے واقعے کا نوٹس لے کر سی سی پی او لاہور سے رپورٹ طلب کرلی۔