ایلون مسک نے ٹوئٹر کا کنٹرول سنبھال لیا،بھارتی سی سی ای او فارغ
دنیا کے امیرترین شخص امریکی ٹیکنالوجی کمپنی ٹیسلا کے سی ای او ایلن مسک ٹوئٹرکےمالک بن گئے،چوالیس ارب ڈالرمیں ٹوئٹرکا کنٹرول سنبھال لیا، کنٹرول سنبھالتے ہی ایلن مسک نے بھارت سے تعلق رکھنے والے سی ای او اگروال اور سی ایف او سیگال کو فارغ کردیا۔
غیرملکی میڈیا کے مطابق ٹوئٹر یا ایلن مسک کی جانب سے سی ای او اگروال اور سی ایف او سیگال کو فارغ کیے جانے سے متعلق فی الحال کوئی بیان جاری نہیں کیا گیا ہے۔
غیرملکی میڈیا کے مطابق ایلون مسک نے الزام عائد کیا تھا کہ انہیں اور سرمایہ کاروں کو ٹوئٹر پر جعلی اکاؤنٹس کی تعداد سے متعلق گمراہ کیا گیا۔
معروف امریکی کمپنی ٹیسلا اور اسپیس ایکس کے بانی ایلن مسک نے کہا ہے کہ اشتہارات صارفین کی ضروریات کے مطابق ہوں گے،ایلن مسک نےٹوئٹر کے دفترمیں منفرد انداز میں انٹری دی۔ سنک اٹھائے ٹوئٹرکے دفتر پہنچے،ویڈیو سوشل میڈیا پر وائرل ہوگئی،
ٹوئٹر ڈیل کے بعد ایلن مسک نے ٹوئٹر پر جاری مختصر پیغام میں لکھا ’پرندہ آزاد ہوگیا۔
ایلن مسک کا کہنا ہے کہ صارفین اور ایڈورٹائزز کے لیے چیزیں تبدیل کی جارہی ہیں، ٹوئٹر ایسا آزاد نہیں ہوگا جہاں نتائج کا سامنا نہ کرنا پڑے۔
غیرملکی میڈیا کے مطابق ایلون مسک کو جمعے سے پہلے ٹوئٹرکی ڈیل یقینی بنانا تھی،نیویارک ٹائمز کی رپورٹ کے مطابق فارغ کیے جانے والوں میں ٹوئٹر کے چیف ایگزیکیوٹیو بھارتی نژاد پراگ اگروال، اعلی قانونی اور پالیسی ایگزیکیوٹیو وجیہ گڈے، چیف فائنانشیل آفیسر نیڈ سیگال اور جنرل کونسلر سیان ایڈجیٹ شامل ہیں۔
