بین الاقوامی مالیاتی فنڈ (آئی ایم ایف) نے سرکاری افسران کے اثاثے ڈیکلیئر کرنے کے لیے مزید مہلت کی درخواست مسترد کر دی ہے۔ رپورٹ کے مطابق، آئی ایم ایف کے تکنیکی وفد نے کابینہ ڈویژن، وزیراعظم آفس، وزارت خزانہ اور وزارت قانون کے حکام سے اہم ملاقاتیں کیں جہاں یہ فیصلہ کیا گیا۔
ذرائع کے مطابق، سرکاری افسران کے اثاثے ڈیکلیئر کرنے کے لیے قانونی ترمیم کے مسودے پر مشاورت شروع کی جا چکی ہے اور سول سرونٹ ایکٹ میں ترمیم کا ڈرافٹ فروری کے اندر ہی آئی ایم ایف کو فراہم کیا جائے گا۔
تاہم، اثاثوں کی ڈیکلیئریشن سے متعلق قانون سازی فروری کے بعد ہو سکے گی۔ آئی ایم ایف نے وزارت خزانہ سے بھی شرائط کے مطابق بینچ مارک مکمل کرنے کا مطالبہ کیا ہے۔
ایکٹ میں ترامیم کے تحت، بچوں کے تعلیمی ادارے کی معلومات دینا لازمی ہوگا، گھر کی آمدن کا ذریعہ، اور میاں بیوی دونوں کے اثاثے بھی ڈیکلیئر کرنے کی شرط میں شامل ہوں گے۔
ذرائع کا مزید کہنا ہے کہ ترمیم کے تحت پاور آف اٹارنی سے متعلق معلومات بھی فراہم کرنا ہوں گی۔ وزارت خزانہ کے حکام نے آئی ایم ایف کے وفد سے معلومات کی پبلک رسائی میں نرمی کی درخواست بھی کی ہے۔
You are using an out of date browser. It may not display this or other websites correctly.
You should upgrade or use an alternative browser.
You should upgrade or use an alternative browser.
خبریں
Filters
Show only:
Loading…
لیبیا کے ساحل کے قریب ایک المناک کشتی حادثے میں سات پاکستانیوں کے جاں بحق ہونے کی تصدیق ہو گئی ہے۔ دفتر خارجہ کے ذرائع کے مطابق، جاں بحق ہونے والوں میں سے چھ کا تعلق ضلع کرم اور ایک کا تعلق باجوڑ سے ہے۔
حادثہ مرسا ڈیلا کی بندرگاہ کے قریب پیش آیا جہاں 65 مسافروں کو لے جانے والی کشتی الٹ گئی۔ ذرائع کے مطابق، کشتی میں 60 کے قریب تارکین وطن سوار تھے جن میں سے 35 پاکستانیوں کے زندہ بچ جانے کی تصدیق ہو چکی ہے، جبکہ 30 کے قریب افراد لیبیا پولیس کی حراست میں ہیں۔
لیبیا کے ریڈ کریسنٹ نے جمعہ کے روز اعلان کیا تھا کہ زاوِیہ کے شمال مغرب میں واقع مرسا ڈیلا بندرگاہ پر کشتی ڈوبنے سے 10 افراد ہلاک ہوئے۔ ریڈ کریسنٹ کے مطابق، زاویہ سیکیورٹی ڈائریکٹوریٹ اور کوسٹ گارڈ پوسٹ سے اطلاع ملنے کے بعد ٹیم نے 10 لاشیں برآمد کیں اور انہیں قانونی کارروائی کے بعد مقامی حکام کے حوالے کیا۔
دفتر خارجہ کے ترجمان کے مطابق، پاکستانی سفارتخانے کی ٹیم زاوِیہ اسپتال روانہ کر دی گئی ہے تاکہ مقامی حکام کے ساتھ تعاون کیا جا سکے اور جاں بحق افراد کی شناخت میں مدد مل سکے۔ پاکستانی سفارتخانے نے طرابلس میں ایک ہیلپ لائن بھی قائم کی ہے جہاں پاکستانی شہری کسی بھی مدد یا معلومات کے لیے رابطہ کر سکتے ہیں:
واٹس ایپ: 03052185882
فون نمبر: 0021891387077
مزید برآں، ترجمان نے بتایا کہ پاکستانی سفارتخانہ لیبیا میں موجود متاثرہ پاکستانیوں کی تفصیلات اکٹھی کر رہا ہے اور وزارت خارجہ کا کرائسس مینجمنٹ یونٹ بھی صورتحال کی نگرانی کے لیے فعال ہے۔
ٹرانسپرنسی انٹرنیشنل نے کرپشن پر سیشن انڈیکس 2024جاری کردیا جس کے مطابق پاکستان میں 2024میں کرپشن میں اضافہ ہوگیا ۔
ٹرانسپرنسی انٹرنیشنل کے مطابق پاکستان دنیا کا 46واں کرپٹ ترین ملک بن گیا، 180ممالک کی درجہ بندی میں پاکستان کا 135واں نمبر ہے۔
رپورٹ میں مزید کہا گیا کہ 2درجے تنزلی ،کرپشن پر سیشن انڈیکس میں پاکستان کا اسکور100میں سے 27ہوگیا، 2023میں پاکستان کا 180ممالک میں 133واں نمبر تھا۔
عالمی ادارے کی رپورٹ میں بتایا گیا کہ 2024میں پاکستان کا 180ممالک میں 135واں نمبر ہے ،2023میں پاکستان 48واں کرپٹ ترین ملک تھا۔
پاکستان میں کرپشن پر سیشن انڈیکس کا ڈیٹا جمع کرنے کیلئے 8ذرائع استعمال کیےگئے ،ورائٹیر آف ڈیموکریسی پروجیکٹ میں پاکستان کی تنزلی ہوئی۔
اکنامکس انٹیلی جنس یونٹ میں بھی پاکستان کا اسکور 20سے کم ہوکر 18ہوگیا ۔
ورلڈ اکنامک سروے کی رپورٹ میں بھی پاکستان کی بڑی تنزلی دیکھنے میں آئی۔ پی ڈی ایم دور میں پاکستان کا 180مملک میں 140واں نمبر تھا۔پاکستان کرپٹ ممالک میں نیچے سے 41ویں نمبر پر تھا
رپورٹ کے مطابق ڈنمارک سب سے کم بدعنوان ممالک میں سرفہرست ہے، سب سے کم کرپشن والے ممالک میں فن لینڈ دوسرا اورسنگاپور تیسرے نمبر پر
بھارت کرپٹ ممالک کی فہرست میں 96نمبر پر ہے ،فہرست میں بھارت پاکستان سے 39درجےبہتر ہے۔
سب سے کم کرپٹ ممالک میں جنوبی سوڈان ،صومالیہ اوروینرویلا سرفہرست ہیں۔
ایران ،عراق اورروس میں بھی کرپشن میں اضافہ ،روس میں بھی کرپشن اضافہ ،154نمبر پر آگیا ،افغانستان کرپٹ ممالک کی فہرست میں 165ویں نمبر پر جبکہ بنگلادیش کرپٹ ممالک کی فہرست میں 151ویں نمبر پر ہے
اسلام آباد: ملک میں چینی کی قیمتوں میں خاطر خواہ اضافہ دیکھا گیا ہے جبکہ افغانستان کے لیے چینی کی برآمدات میں ریکارڈ اضافہ ہوا ہے۔
جولائی 2024 سے جنوری 2025 کے دوران، رواں مالی سال کے پہلے سات ماہ میں افغانستان کو چینی کی برآمد میں حیرت انگیز طور پر اضافہ ہوا ہے۔
حکومتی ذرائع کے مطابق، پاکستانی برآمدات میں افغانستان کے لیے چینی کا حصہ سب سے زیادہ ہے۔ اس مدت کے دوران افغانستان کو چینی کی برآمد 26 کروڑ 27 لاکھ ڈالر تک پہنچ گئی ہے، جبکہ گزشتہ سال اسی عرصے میں یہ صرف 59 لاکھ ڈالر تھی۔
ذرائع کے مطابق، وفاقی حکومت نے جون سے اکتوبر 2024 تک 7 لاکھ 50 ہزار ٹن چینی برآمد کرنے کی اجازت دی تھی، اور اکتوبر 2024 میں مزید 5 لاکھ میٹرک ٹن چینی کی برآمد کی اجازت دی گئی۔
سرکاری اعداد و شمار کے مطابق، ملک میں چینی کی اوسط قیمت حالیہ 10 ہفتوں میں 21 روپے 26 پیسے فی کلو بڑھ گئی ہے، جس کے بعد چینی کی اوسط قیمت 153 روپے 11 پیسے فی کلو تک پہنچ گئی ہے۔ اس وقت ملک میں چینی کی زیادہ سے زیادہ قیمت 160 روپے فی کلو ہے، جبکہ 10 ہفتے قبل یہ 131 روپے 85 پیسے فی کلو تھی۔
حیدرآباد میں ریونیو افسران کی ملی بھگت سے سرکاری زمینوں پر قبضوں کا انکشاف، ریونیو افسران کے خلاف تحقیقات شروع
حیدرآباد: کراچی کے بعد اب حیدرآباد میں بھی سرکاری زمینوں پر ریونیو افسران کی مدد سے قبضوں کی خبریں سامنے آئی ہیں۔ لینڈ مافیا نے ریونیو افسران کی ملی بھگت سے ریکارڈ میں ہیرا پھیری کر کے زمینوں پر قبضہ کیا ہے، جس پر اینٹی کرپشن شعبہ نے تحقیقات شروع کر دی ہیں۔
ڈائریکٹر اینٹی کرپشن سندھ نے ڈپٹی کمشنر حیدرآباد کو ایک خط لکھا ہے جس میں مختارکار اور تپیدار کو 17 فروری کو طلب کیا گیا ہے۔
خط میں ہدایت کی گئی ہے کہ دیہہ مرزاپور، تحصیل قاسم آباد کے 6 سروے نمبروں اور بک نمبر 3762، صفحہ نمبر 47 کی تصدیق شدہ کاپی فراہم کی جائے۔ اس کے علاوہ، 1982-83 میں ملن فراش گوٹھ دیہہ مرزا پور اور مرزا پور قاسم آباد کے 5 سروے نمبروں کا ریکارڈ بھی دیا جائے، اور اس علاقے کی سرکاری زمینوں کی تازہ ترین صورتحال کی تفصیلی رپورٹ بھی فراہم کی جائے۔
خط کے مطابق، شکایت کنندہ سکندر علی ملاح نے مذکورہ اراضی کے ریکارڈ سمیت تفصیلی جواب طلب کیا ہے۔
اسلام آباد: دفتر خارجہ کے مطابق، لیبیا کے ساحل کے قریب ایک اور کشتی حادثے کا شکار ہو گئی ہے جس میں پاکستانیوں سمیت 65 تارکین وطن سوار تھے۔
دفتر خارجہ کے بیان کے مطابق، پاکستانی سفارت خانے نے طرابلس سے اطلاع دی ہے کہ یہ واقعہ زاویہ شہر کے شمال مغرب میں مارسا ڈیلا کی بندرگاہ کے قریب پیش آیا ہے۔
سفارت خانے کی جانب سے فوری طور پر ایک ٹیم زاویہ ہسپتال بھیجی گئی ہے تاکہ مرنے والے افراد کی شناخت میں مقامی حکام کی مدد کی جا سکے۔ اس کے علاوہ، سفارت خانہ اس حادثے میں متاثر ہونے والے پاکستانیوں کی تفصیلات کو بھی جمع کرنے کی کوشش کر رہا ہے۔
دفتر خارجہ نے بتایا کہ اس واقعے کی نگرانی کے لیے کرائسز مینجمنٹ یونٹ کو فعال کر دیا گیا ہے۔ اس واقعے سے متعلق کسی بھی سوال یا معلومات کے لیے، درج ذیل رابطہ نمبروں پر رابطہ کیا جا سکتا ہے:
03052185882 (واٹس ایپ)
+218913870577 (سیل)
+218 91-6425435 (واٹس ایپ)
یاد رہے کہ اس سے قبل 16 جنوری 2025 کو مغربی افریقہ سے اسپین کی طرف جانے والی ایک کشتی حادثے کا شکار ہوئی تھی جس میں 44 پاکستانیوں سمیت 50 افراد ہلاک ہوئے تھے۔
اسلام آباد ہائی کورٹ میں ایک اہم تبدیلی کے تحت جسٹس بابر ستار اور جسٹس سردار اعجاز اسحاق خان سے قانونی امور کی ذمہ داری واپس لے کر ان کی جگہ جسٹس راجا انعام امین کو اس عہدے پر فائز کیا گیا ہے۔
یہ تبدیلی چیف جسٹس عامر فاروق کی منظوری سے ہوئی ہے، جس کے بعد ڈپٹی رجسٹرار نے ایک نوٹی فکیشن جاری کیا۔ اس نوٹی فکیشن میں واضح کیا گیا ہے کہ جسٹس راجا انعام امین اب اسلام آباد ہائی کورٹ کے قانونی شعبے کی نگرانی کریں گے۔
نوٹی فکیشن میں یہ بھی بیان کیا گیا ہے کہ جسٹس راجا انعام امین منہاس کو عوامی مفاد میں فوری طور پر یہ ذمہ داری سونپی گئی ہے۔
یاد رہے کہ 2022 میں یہ ذمہ داری جسٹس بابر ستار اور جسٹس سردار اعجاز اسحاق کو سپرد کی گئی تھی۔
اس تبدیلی کے پس منظر میں، 7 فروری 2025 کو جسٹس بابر ستار نے چیف جسٹس عامر فاروق کو ایک خط لکھا تھا جس میں انہوں نے جسٹس خادم سومرو کو کمیٹی میں شامل کرنے کے فیصلے کو غیر قانونی قرار دیا تھا۔ اس چھ صفحات پر مشتمل خط میں انہوں نے ہائی کورٹ ایڈمنسٹریشن کمیٹی کی تبدیلی کو بھی غیر قانونی قرار دیا تھا۔
جسٹس بابر ستار نے اپنے خط میں مزید لکھا کہ سینیارٹی لسٹ اور ایڈمنسٹریشن کمیٹی کے نوٹی فکیشن واپس لیے جانے چاہئیں، کیونکہ یہ غیر آئینی اور غیر قانونی ہیں۔ انہوں نے یہ بھی ذکر کیا کہ بغیر اسلام آباد ہائی کورٹ جج کے حلف اٹھائے ٹرانسفر ججز کو کمیٹی میں شامل کرنا قانون کی خلاف ورزی ہے۔
چوکسرور شہید: ریاض آباد میں پولیس کے غیر قانونی ریڈ کے دوران صدر غلہ منڈی چوہدری یاسر مان جاں بحق ہوگیا۔
اہل علاقہ کا دعویٰ ہے کہ یاسر مان پولیس ریڈ، ہاتھا پائی اور شیلنگ کے سبب حالت بگڑنے سے شہید ہوئے۔ ۔
یاسر مان اور خاندان کا تعلق پی ٹی آئی سے تھا۔ پولیس رویہ کے خلاف پریس کانفرنس بھی کی تھی۔
احمد وڑائچ نے اس پر کہا کہ گھر میں کھڑی گاڑیاں توڑ گئے، ٹریکٹر کے فیول ٹینک میں مٹی ڈال دی، فریج، ٹی وی سمیت گھر کا سامان توڑا، آنسو گیس کی شیلنگ کی۔
انہوں نے مزید کہا کہ یہ کوئی ٹی ٹی پی کا دہشتگرد نہیں کوٹ ادو غلہ منڈی کے صدر کا گھر تھا، جو اب اس دنیا میں نہیں رہا۔
اسکے بعد صدر غلہ منڈی چوکسرور شہید و مقامی رہنماء پی ٹی آئی چوہدری یاسر مان کی پولیس ریڈ و شیلنگ کے باعث وفات کے بعد اہل علاقہ نے ملتان میانوالی روڈ (ایم ایم روڑ) سڑک پر میت رکھ کر بند کردیا۔
کئی کلومیٹر طویل گاڑیوں کی قطاریں لگ گئیں۔ رات کھلم کھلی بدمعاشی کے برعکس اس وقت پولیس غائب ہے۔
صحافی محمد عمیر نے بتایا کہ مائیں بہنیں بھائی پولیس چھاپوں میں مررہے حکومت کہہ رہی پنجاب امن کا گہوارہ بن گیا۔ پولیس کہتی چھاپے میں ایس ایچ او نہیں تھا ویڈیو میں اسکو وہاں کھڑے اور اہل علاقہ کو اس سے بحث کرتے دیکھا جاسکتا۔ پولیس نے وہاں شیلنگ کی۔ ٹریکٹر کے فیول ٹینک میں مٹی بھردی۔ گاڑیوں کا توڑا تشدد کیا گھر کی املاک کو نقصان پہنچایا۔
مرحوم یاسر مان کے برادر نسبتی نے میڈیا سے گفتگو کرتے ہوئے کہا کہ چوپولیس نے یاسر مان کے گھر میں توڑ پھوڑ کی، بچوں پر تشدد کیا، گاڑیاں توڑ ڈالیں، بہانہ بنایا کہ SHO غائب ہے، جبکہ ایس ایچ او کی فوٹیج فیس بک پر لائیو اسٹریم ہورہی تھی، پورے پولیس آپریشن کی فیس بک لائیو اسٹریم نے ہوئی۔ اب ایس ایچ او جعلی MLC بنوا رہا ہے۔
اسلام آباد:یو ایس ایڈ کے تعاون سے چلنے والا کلائمیٹ اسمارٹ ایگریکلچر (سی ایس اے) سرمایہ کاری پروگرام، جس کا مقصد پاکستانی کاشت کاروں کو موسمیاتی تبدیلیوں کے ساتھ ہم آہنگ ہونے میں مدد فراہم کرنا تھا، امریکی انتظامیہ کے فیصلے کے نتیجے میں بند ہو گیا ہے۔ یہ فیصلہ تمام غیر ملکی امدادی پروگرامز کی فنڈنگ کو معطل کرنے کے تناظر میں لیا گیا۔
2 کروڑ 40 لاکھ ڈالر کی لاگت سے چلنے والے 5 سالہ پروگرام کا آغاز گزشتہ سال نومبر میں امریکی سفیر ڈونلڈ بلوم نے کیا تھا۔ باخبر ذرائع کے مطابق، اس منصوبے کے انتظام سے منسلک امریکی حکام پاکستان چھوڑنے کی تیاری کر رہے ہیں، جبکہ قومی عملہ ملازمتوں سے محروم ہونے کے قریب ہے۔
سی ایس اے پروگرام کاشت کاروں کو ماحولیاتی تبدیلیوں جیسے غیر متوقع موسم، ہیٹ ویو، خشک سالی، اور بے قاعدہ بارشوں کے مطابق ڈھالنے کے لیے تھا۔ اس پروگرام کے ذریعے کسانوں کو جدید زرعی طریقے، پودے لگانے اور کٹائی کے لیے جدید مشینری، زرعی ڈرونز اور سینسرز، آبپاشی اور فارم مینجمنٹ سافٹ ویئر سے متعارف کرایا جانا تھا۔ یہ سب فصلوں کی صحت کی بروقت تشخیص، وسائل کے تحفظ اور منڈیوں تک رسائی میں مددگار ثابت ہو سکتا تھا۔
پروگرام کے اہم مقاصد میں فصلوں کی پیداوار میں اضافہ، غذائی تحفظ، موسمیاتی تبدیلیوں کے ساتھ لچک، گرین ہاؤس گیسوں کے اخراج میں کمی اور کسانوں کی آمدنی میں اضافہ شامل تھے۔
یو ایس ایڈ نے اعلامیہ جاری کیا کہ 7 فروری سے یو ایس ایڈ کے تمام براہ راست ملازمین کو عالمی سطح پر انتظامی چھٹیوں پر بھیج دیا جائے گا، تاہم کچھ خاص اہلکار استثناء کے ساتھ کام جاری رکھیں گے۔ اس وقت بیرون ملک تعینات اہلکاروں کو 30 دن کے اندر امریکا واپس بھیجنے کا منصوبہ تیار کیا جا رہا ہے۔
اس اقدام کے ساتھ، پاکستانی کسانوں کو جدید زرعی ٹیکنالوجی تک رسائی دینے کا منصوبہ ختم ہو گیا ہے، جس سے امریکا اور پاکستان کے درمیان طویل مدتی شراکت داری کا اختتام ہوا ہے۔
لاہور: لاہور کے علاقے مناواں میں ایک باوردی پولیس اہلکار کو بھکاری خاتون سے جنسی زیادتی کرتے ہوئے رنگے ہاتھوں پکڑا گیا۔ ذرائع کے مطابق، جب اہلکار کو پکڑا گیا تو اس نے شہری پر فائرنگ کر دی جس کے نتیجے میں ایک نوجوان ساجد زخمی ہو گیا۔
مقامی لوگوں نے فوری طور پر منظر عام پر آنے والے اس واقعہ میں ملوث اہلکار کو قابو کیا اور اسے مناواں پولیس کے حوالے کر دیا۔ زخمی نوجوان کو فوری طبی امداد کے لیے اسپتال منتقل کیا گیا۔
واقعہ کی موبائل ویڈیو بھی منظر عام پر آئی ہے جس میں پولیس اہلکار کو خاتون کے ساتھ نازیبا حرکات اور فائرنگ کرتے ہوئے دیکھا جا سکتا ہے۔
پولیس نے بتایا کہ ملزم اہلکار کی شناخت امجد کے نام سے ہوئی ہے، جو شفیق آباد تھانے میں تعینات ہے۔ پولیس نے واقعہ کا مقدمہ درج کر کے مزید تحقیقات شروع کر دی ہیں۔
پشاور میں ایک استاد نے طلباء کی شرارتوں سے تنگ آکر پولیس میں شکایت درج کروائی ہے۔
پولیس کے مطابق، استاد نے تھانا یکہ توت میں طلباء کے خلاف درخواست جمع کروائی ہے۔ استاد کا کہنا ہے کہ طلباء کی شرارتوں کی وجہ سے وہ اپنی ڈیوٹی بہتر طریقے سے انجام نہیں دے پا رہے، لہذا انہوں نے محکمہ تعلیم سے درخواست کی ہے کہ ان کا تبادلہ کسی دوسرے اسکول میں کر دیا جائے۔
پولیس نے درخواست پر ردعمل دیتے ہوئے کہا کہ طلباء کو سمجھایا جا سکتا ہے، لیکن ان پر سخت کارروائی نہیں کی جا سکتی۔ اس سلسلے میں پولیس نے طلباء کے والدین کو بلا کر معاملہ حل کرنے کی کوشش کی۔
پشاور: پاک فوج کے شعبہ تعلقات عامہ (آئی ایس پی آر) کے مطابق، خیبرپختونخوا کے اضلاع ڈیرہ اسمٰعیل خان اور شمالی وزیرستان میں سیکیورٹی فورسز نے دو الگ الگ آپریشنز کے دوران 7 خوارج کو ہلاک کیا ہے۔
آئی ایس پی آر کے جاری کردہ بیان میں بتایا گیا کہ ڈیرہ اسمٰعیل خان کے علاقے مڈی میں انٹلیجنس بیسڈ آپریشن کے دوران تین خوارج ہلاک اور دو زخمی ہوئے۔
دوسری جانب، شمالی وزیرستان کے علاقے میر علی میں ہونے والے ایک اور انٹلیجنس بیسڈ آپریشن میں چار خوارج کو ہلاک کیا گیا اور تین زخمی ہوئے۔
آئی ایس پی آر نے یہ بھی بتایا کہ علاقے میں دیگر دہشت گردوں کی تلاش کے لیے سینٹائزڈ آپریشن جاری ہے۔
کرک: گرینڈ امن جرگہ نے علاقے سے مسلح گروہوں کے انخلا کے لیے تین دن کی مہلت دے دی ہے۔ جرگہ کے اعلامیہ کے مطابق، اس مدت کے بعد اگر مسلح گروہ موجود رہے تو عوام کو لشکر کشی پر مجبور ہونا پڑے گا۔
امن جرگہ نے حکومت سے مطالبہ کیا ہے کہ پولیس کو درکار تمام وسائل مہیا کیے جائیں تاکہ وہ دہشت گردوں کے خلاف مؤثر کارروائی کر سکے۔ اس کے علاوہ، سی ٹی ڈی کو مکمل اختیارات دینے، نیشنل ایکشن پلان پر 100 فیصد عمل درآمد اور دہشت گردوں کے خلاف بلا تفریق کارروائی کا بھی مطالبہ کیا گیا ہے۔
اعلامیے میں واضح کیا گیا کہ ریاست کو دہشت گردوں کے خلاف سنجیدگی کا مظاہرہ کرنا چاہیے اور اس اقدام کی عوام مکمل حمایت کرے گی۔ یہ بھی فیصلہ کیا گیا کہ دہشت گردوں کے سہولت کاروں کی نشاندہی کے بعد ان کا سوشل بائیکاٹ کیا جائے گا۔
جرگہ میں ایم این اے شاہد خٹک، صوبائی وزیر زراعت میجر سجاد بارکوال اور تمام سیاسی جماعتوں کے رہنماؤں سمیت ہزاروں افراد نے شرکت کی۔
کرم: اسی دوران، خیبرپختونخوا کے ضلع کرم میں طویل انتظار کے بعد ٹل سے پاراچنار کے لیے ایک اور قافلہ روانہ کیا گیا ہے۔ سرکاری ذرائع کے مطابق، اس قافلے میں اشیائے خوردونوش، ادویات، پھل، سبزیاں اور دیگر ضروری سامان شامل ہے۔ ٹریڈ یونین کے مطابق، قافلے میں سو سے زائد گاڑیاں شامل ہیں۔
اسلام آباد: ذرائع نے دعویٰ کیا ہے کہ بین الاقوامی مالیاتی فنڈ (آئی ایم ایف) کی ایک خصوصی ٹیم پاکستان پہنچ گئی ہے جو ملک میں گورننس، عدلیہ کی آزادی، ججز کی تقرری اور بدعنوانی کے امور کا جامع تجزیہ کرے گی۔ پاکستان کی وزارت خزانہ نے تصدیق کی ہے کہ آئی ایم ایف پاکستان کو رہنمائی اور تکنیکی امداد فراہم کرتا رہا ہے، تاہم آئی ایم ایف کے نمائندے ماہر بینیجی نے واضح کیا ہے کہ یہ دورہ صرف تکنیکی معاملات کے جائزے کے لیے ہے اور اسے جائزہ مشن سے منسلک نہیں کیا جانا چاہیے۔
ماہر بینیجی نے بتایا کہ موجودہ ٹیم کا مقصد پروگرام سے متعلقہ تکنیکی امور پر کام کرنا ہے، جبکہ کسی بھی قسم کا دیگر جائزہ اس دورے کا حصہ نہیں ہے۔ انہوں نے واضح کیا کہ آئی ایم ایف کا کوئی جائزہ مشن فی الحال پاکستان میں موجود نہیں ہے۔
ذرائع کے مطابق، 7 ارب ڈالر کے پروگرام کے تحت آئی ایم ایف کا جائزہ مشن 20 فروری کے بعد پاکستان آئے گا۔ اس سے قبل ذرائع نے دعویٰ کیا تھا کہ یہ مشن 14 فروری تک اپنا کام مکمل کرے گا اور اس دوران کم از کم 19 حکومتی وزارتوں اور محکموں کے نمائندوں سے ملاقات کرے گا۔
ٹیم کے ایجنڈے میں جوڈیشل کمیشن اور سپریم کورٹ کے حکام سے ملاقات بھی شامل ہے، جہاں قانون کی حکمرانی، انسداد بدعنوانی اور مالیاتی نگرانی پر بات چیت ہوگی۔ خصوصی ٹیم ججز کی تقرری کے طریقہ کار پر بھی تبادلہ خیال کرے گی۔
معاہدے کے تحت، پاکستان کو گورننس کی مکمل رپورٹ شائع کرنے کا پابند کیا گیا ہے۔ اس میں ٹیکس پالیسی سازی اور اس پر عمل درآمد میں درپیش چیلنجز، نیز لینڈ مینجمنٹ میں گورننس کے پیرامیٹرز کا بھی تفصیلی جائزہ لیا جائے گا۔
وزارت خزانہ کے ترجمان نے بتایا کہ آئی ایم ایف کا تین رکنی وفد پاکستان آئے گا، جو ریاست کے چھ کلیدی شعبوں میں بدعنوانی کا جائزہ لے گا، اور آئی ایم ایف کی اس سپورٹ کو قدر کی نگاہ سے دیکھا جاتا ہے۔
خضدار: بلوچستان کی انتظامیہ اور خفیہ اداروں نے اپنی بے مثال کوششوں اور محنت سے اغوا ہونے والی عاصمہ جتک کو بازیاب کروا لیا ہے۔ عاصمہ نے اپنی بازیابی کے بعد دھرنے میں شریک لوگوں سے ایک جذباتی خطاب کیا جس نے سب کو آبدیدہ کر دیا۔
عاصمہ نے اپنے اغوا کے تجربے کو بیان کرتے ہوئے کہا کہ رات کے دو بجے ان کے گھر پر حملہ ہوا، ان کے اہل خانہ کو تشدد کا نشانہ بنایا گیا اور انہیں اغوا کر کے لے جایا گیا۔ انہوں نے بتایا کہ ان کے منہ پر پٹی باندھی گئی، گلا دبایا گیا اور گاڑی کے ڈگی میں بند کر کے لے جایا گیا جہاں وہ بے ہوش ہو گئیں۔
انہوں نے مزید بتایا کہ انہیں ویران جگہ پر رکھا گیا اور زبردستی بیان دلوایا گیا، جہاں انہیں دھمکی دی گئی کہ اگر بیان نہ دیا تو ان کے والد اور بھائیوں کو قتل کر دیا جائے گا۔ عاصمہ نے کہا کہ وہ تین دن تک بغیر کھانے پینے کے رہیں اور انہیں عدالت میں ایک مخصوص بیان دینے پر مجبور کیا گیا۔
عاصمہ نے اپنی آزادی کا سہرا عوام کے سر قرار دیتے ہوئے کہا کہ وہ عوام کی جدوجہد اور دھرنوں کے باعث آزاد ہوئی ہیں اور ان کا شکریہ ادا کیا۔
واقعہ جمعرات کی درمیانی شب شہزاد سٹی، خضدار میں پیش آیا جہاں مسلح افراد نے ایک گھر پر حملہ کیا اور عاصمہ جتک کو اغوا کر لیا۔ واقعے کے فوری بعد 6 جنوری کو ورثا نے احتجاج کرتے ہوئے شاہراہ کو بند کیا اور دھرنے پر بیٹھ گئے۔
پولیس اور لیویز نے متعدد بار مذاکرات کی کوشش کی لیکن ناکام رہے۔ تاہم، حکومتی ترجمان نے بتایا کہ ایک مشکوک شخص کو گرفتار کیا گیا اور مرکزی ملزم ظہور احمد کے خلاف مقدمہ درج کیا گیا۔
ایک ویڈیو سامنے آنے کے بعد جس میں عاصمہ اپنی رضامندی سے جانے کا دعویٰ کر رہی تھیں، ان کی بہن نے اس بیان کی تردید کرتے ہوئے ایک ویڈیو جاری کی۔
حال ہی میں ہونے والی پریس کانفرنس میں بتایا گیا کہ وزیراعلیٰ بلوچستان کی نگرانی میں خضدار اور سوراب کی پولیس اور لیویز نے دو راتوں کے بعد ایک آپریشن کر کے 16 مشتبہ افراد کو گرفتار کیا اور عاصمہ جتک کو بازیاب کرا لیا۔
لاہور میں عمرے پر جانے والے افراد کو جعلی ویکسین سرٹیفکیٹ جاری کرنے کا معاملہ سامنے آیا ہے۔
وفاقی تحقیقاتی ادارے (ایف آئی اے) کے ترجمان کے مطابق، برڈ ووڈ روڈ پر واقع فیڈرل ہیلتھ سینٹر میں تعینات ڈاکٹر شہزاد نسیم، نرسنگ اسسٹنٹ اکرم، اور جونیئر کلرک شیراز سمیت دیگر ملازمین پر الزام ہے کہ انہوں نے عمرے پر جانے والے ایک شہری سے جعلی ویکسین سرٹیفکیٹ جاری کرنے کے بدلے 20 ہزار روپے وصول کیے۔
ایف آئی اے حکام کے مطابق، فیڈرل ہیلتھ سینٹر کے ڈاکٹر سمیت 6 ملزمان کو گرفتار کر لیا گیا ہے اور ان کے خلاف مقدمہ درج کر دیا گیا ہے۔
حکام کا کہنا ہے کہ اس ویکسین سینٹر پر گردن توڑ بخار (مننجائٹس) کی ویکسین لگائے بغیر ہی سرٹیفکیٹ جاری کیے جا رہے تھے، جو ایک سنگین غلط کاری ہے۔ اس معاملے کی تفتیش جاری ہے، اور مزید کارروائی کی جائے گی۔
مریم نواز کی پنجاب حکومت نے ظُلم کی ساری حدیں پار کر دی
حماد اظہر نے ایک بچے کی تصویر شئیر کرتے ہوئے کہا کہ یہ 13 سالہ لڑکا پی ٹی آئی لاہور کے ایم پی اے فرخ جاوید مون کا بیٹا ہے۔ اسے پولیس اور ایجنسیوں کے غیر قانونی چھاپے کے دوران اغوا کیا گیا ہے کیونکہ فرخ جاوید مون نے آج لاہور میں ایک پرامن ریلی نکالی تھی۔
حماداظہر کا مزید کہنا تھا کہ پولیس والدہ کو کسی دستاویز پر زبردستی دستخط کرنے پر مجبور کر رہی ہے۔
ایک اور پیغام میں انہوں نے کہا کہ سنٹرل پنجاب کے صدر احمد چھٹہ کی لاہور کی رہائش گاہ پر گزشتہ رات پولیس اور نامعلوم نے حملہ کیا۔ بھتیجی اور بیٹی کے کمروں کے دروازے تک توڑے اور گھر میں توڑ پھوڑ کی۔ آج رات ان کے وزیر آباد کی رہائش گاہ پر حملہ کیا گیا۔ مقصد ان کو ڈرانہ تھا کے باہر مت نکلنا لیکن وہ پھر بھی نکلے۔
گوجرانوالہ سے تعلق رکھنے والے تحریک انصاف کے رہنما میاں طارق نے اپنے ویڈیو پیغام میں کہا کہ میرے گھر کو ایک دفعہ پھر پنجاب پولیس نے توڑا اور لوٹ مار کی میرے گھر پر پولیس نے قبضہ کر لیا ہے۔
انہوں نے مزید کہا کہ احتجاج کرنا ہمارا آئینی اور قانونی حق ہے آپ ہمیں نہیں روک سکتے ہمیں جب جب عمران خان حکم دے گا ہم تب تب باہر نکلیں گے اور اپنا احتجاج ریکارڈ کروائیں گے ہمارا مینڈیٹ چوری ہوا ہے پاکستان کی عوام کا مینڈیٹ چوری ہوا ہے ہم وہ واپس لے کر رہیں گے
گوجرانوالہ : پی ٹی آئی رہنما سابق ایم این اے میاں طارق محمود کا اپنے گھر میں توڑ پھوڑ کے بعد پولیس کی طرف سے گھر کے گرد محاصرہ کرنے پر ویڈیو بیان جاری......
عمرایوب نے اپنے ایکس پیغام میں کہا کہ شہباز شریف، مریم نواز اور انٹیلی جنس اداروں کے غیر قانونی حکم پر انیقہ مہدی ایم این اے کے بھائی شفقت علی بھٹی کو 4 روز قبل پنجاب پولیس نے گرفتار کر کے 7 سے زائد جھوٹی ایف آئی آر میں نامزد کیا تھا۔ انیقہ مہدی ایم این اے کے خلاف 3 بوگس ایف آئی آر درج کی گئی ہیں۔
ان کا کہنا تھا کہ ان کے گھر اور عوامی فرقہ واریت پر متعدد بار چھاپے مارے گئے اور توڑ پھوڑ کی گئی۔ پنجاب پولیس نے شفقت بھٹی کی 300 ایکڑ اراضی پر اپنی نفری تعینات کر رکھی ہے اور کسی کو کاشتکاری کے لیے زمینوں میں داخل ہونے کی اجازت نہیں دے رہی ہے۔ مقامی مجسٹریٹ نے ان کی زمینیں ضبط کر لی ہیں۔
انکے مطابق یہ سب انیقہ مہدی ایم این اے اور ان کے خاندان پر دباؤ ڈالنے کے لیے کیا جا رہا ہے کیونکہ وہ وزیر اعظم عمران خان اور پی ٹی آئی کے ساتھ مضبوطی سے کھڑے ہیں۔ پاکستان میں ورچوئل مارشل لا ہے۔ شہباز شریف اور مریم نواز من پسند کٹھ پتلی ہیں۔ حکومت کو پاکستان کو ٹھیک کرنے کے لیے جانا چاہیے۔
عون عباس بپی کے مطابق ضلع ڈیرہ غازیخان میں امیدوار حلقہ این اے 148 علی محمد کھلول اور ضلعی جنرل سیکرٹری عاطف خان مستوئی کو پولیس نے گرفتار کرلیا، اسکے بعد علی محمد کھلول کو پولیس سے نامعلوم افراد اٹھاکر اپنے ساتھ لے گئے اور نامعلوم جگہ پر لے جاکر بے تحاشہ تشدد کا نشانہ بنایا
انہوں نے مزید کہا کہ اس طرح کی ظُلم بربریت سے تُم لوگ جیل میں بیٹھے ھوئے قیدی سے نا تو عوامی محبت ختم کرسکتے ھو اور نا ہی خان کے ٹائیگرز کے حوصلے پست کر سکتے ھو ظُلم کی کالی رات جلد ختم ھونے والی ہے ہمارے کارکنان کی یہ قربانیاں تاریخی ہیں انشاءاللہ جلد سنہرا دور آئے گا۔
شمالی وزیرستان: پاک فوج کے شعبہ تعلقات عامہ (آئی ایس پی آر) نے بتایا ہے کہ شمالی وزیرستان کے علاقے دتہ خیل میں مارا گیا دہشتگرد افغان شہری تھا، جو پاکستان میں دہشتگردی کے واقعات میں افغان شہریوں کے ملوث ہونے کا مزید ایک ثبوت ہے۔
آئی ایس پی آر کے مطابق، ہلاک دہشتگرد لقمان خان عرف نصرت، افغان صوبہ خوست کے ضلع سپیرا کا رہائشی تھا۔ یہ دہشتگرد 6 فروری کو دتہ خیل میں ایک آپریشن کے دوران مارا گیا۔
آئی ایس پی آر نے مزید کہا کہ لقمان کی لاش کی حوالگی کے لیے افغان عبوری حکومت سے رابطہ کیا جا رہا ہے۔ انہوں نے زور دیا کہ افغان حکومت کو یہ یقینی بنانا چاہیے کہ ان کی سرزمین پاکستان کے خلاف استعمال نہ ہو، اور امید ظاہر کی کہ افغان عبوری حکومت اپنی ذمہ داریاں پوری کرے گی۔
یہ واقعات پاکستان میں دہشتگردی کی سرگرمیوں میں افغان شہریوں کے ملوث ہونے کے ناقابل تردید ثبوت ہیں۔ یاد رہے، چند روز قبل بھی پاکستانی سکیورٹی فورسز کے ساتھ مقابلے میں ہلاک ہونے والے دہشتگردوں میں افغان صوبے کے نائب گورنر کا بیٹا بھی شامل تھا۔
کراچی: انٹربورڈ کراچی کے سابق سیکرٹری امیر قادری نے تین سرکاری گاڑیاں اپنے ساتھ لے لیں۔ ذرائع کے مطابق، بورڈ نے کئی بار ان سے گاڑیاں واپس کرنے کی درخواست کی، لیکن انہوں نے انکار کر دیا۔
مزید ذرائع نے بتایا کہ امیر قادری کو ان گاڑیوں کی واپسی کے لیے خط بھی لکھا گیا، تاہم انہوں نے گاڑیوں کو بورڈ کو واپس نہیں کیا۔
یہ بھی بتایا جاتا ہے کہ امیر قادری کو بغیر اجازت بیرون ملک دورہ کرنے کی وجہ سے ان کے عہدے سے ہٹا دیا گیا تھا اور وہ اس دورے کے اخراجات بھی واپس نہیں کر سکے۔
انسداد دہشت گردی عدالت نے 26 نومبر سے متعلق مقدمات میں بشریٰ بی بی کی بانی پاکستان تحریک انصاف (پی ٹی آئی) عمران خان اور وکیل سے ملاقات کروانے کا حکم دے دیا۔
اڈیالہ جیل میں بشریٰ بی بی کے 26 نومبر کے بعد درج ہونے والے 31 مقدمات کی سماعت ہوئی، جس کی صدارت انسداد دہشتگردی عدالت راولپنڈی کے جج امجد علی شاہ نے کی۔ بشریٰ بی بی کو کمرہ عدالت میں پیش کیا گیا، اور 31 مقدمات کے تفتیشی افسران بھی پیش ہوئے۔
بشریٰ بی بی نے عدالت میں کہا کہ شامل تفتیش ہونے سے پہلے بانی پی ٹی آئی اور اپنے وکیل سلمان صفدر سے مشاورت کرنا ضروری ہے۔ مشاورت کے بعد وہ اپنا بیان ریکارڈ کروانے کے لیے تیار ہیں۔ اگر بانی پی ٹی آئی اور وکیل سلمان صفدر سے آج ملاقات کروا دی جائے تو وہ فوراً شامل تفتیش ہونے کو تیار ہیں۔
بشریٰ بی بی نے عدالت سے بانی پی ٹی آئی کی موجودگی میں شامل تفتیش ہونے کی درخواست بھی کی۔ انسداد دہشتگردی عدالت نے بشریٰ بی بی کی بانی پی ٹی آئی اور وکیل سے ملاقات کروانے کا حکم دیتے ہوئے 31 مقدمات کی سماعت 11 فروری تک ملتوی کر دی۔
-
-
-
-
-
-
-
-
-
بڑے بڑوں کی صحافت یہ رجیم کھا گئی
6 | FORUM -
-
ریاست طیبہ ہے یا ریاست مدینہ
1 | FORUM
-
-
-
© Copyrights 2008 - 2025 Siasat.pk - All Rights Reserved. Privacy Policy | Disclaimer|
Official Siasat.pk Social Media Accounts
